» செய்திகள் - விளையாட்டு » மாவட்ட செய்தி (கன்னியாகுமரி)
சகோதரர்கள் 3 பேரை கொலை செய்த 4 பேருக்கு இரட்டை ஆயுள் : தூத்துக்குடி நீதிமன்றம் அதிரடி தீர்ப்பு
திங்கள் 4, ஆகஸ்ட் 2025 7:55:59 PM (IST)

ஒரே குடும்பத்தைச் சேர்ந்த சகோதரர்கள் மூன்று பேரை கொலை செய்த வழக்கில் 4 பேருக்கு தலா இரட்டை ஆயுள் தண்டனை விதித்து தூத்துக்குடி மாவட்ட முதலாவது கூடுதல் அமர்வு நீதிமன்றம் அதிரடி தீர்ப்பு அளித்தது.
தூத்துக்குடி மாவட்டம், தட்டார்மடம் இடைச்சிவிளை பகுதியைச் சேர்ந்த மயிலையா மகன்களான முருகேசன் (35/2001), வயணபெருமாள் (48/2001), ஆதிலிங்கராஜன் (27/2001) ஆகியோரை கடந்த 03.06.2001 அன்று முன்விரோதம் காரணமாக இடைச்சிவிளை பகுதியில் வைத்து அரிவாளால் தாக்கி கொலை செய்த வழக்கில் தட்டார்மடம் இடைச்சிவளை பகுதியைச் சேர்ந்தவர்களான மைக்கேல் மகன் பீட்டர் ஜேசுமரியான் (64/2025), ஜேசுமரியான் மகன் சுதாகர் (51/2025), சிலுவைப் பிச்சை மகன்களான குருஸ்முத்து (எ) அந்தோணிராஜ் (72/2025), ராமர் (எ) செல்வராஜ் (71/2025) ஆகியோரை தட்டார்மடம் காவல் நிலைய போலீசார் கைது செய்தனர்.
இவ்வழக்கின் விசாரணை தூத்துக்குடி மாவட்ட முதலாவது கூடுதல் அமர்வு நீதிமன்றத்தில் நடைபெற்று வந்தது. இவ்வழக்கை விசாரித்த நீதிபதி தாண்டவன் இன்று குற்றவாளிகளான பீட்டர் ஜேசுமரியான், சுதாகர், குருஸ்முத்து (எ) அந்தோணிராஜ், ராமர் (எ) செல்வராஜ் ஆகிய 4 குற்றவாளிகளுக்கும் தலா இரட்டை ஆயுள் தண்டனை மற்றும் ரூபாய் 20,000/- அபராதமும், மேலும் தலா மூன்று வருடங்கள் சிறை தண்டனையும் விதித்து தீர்ப்பு வழங்கினார்.
இவ்வழக்கை சிறப்பாக புலனாய்வு செய்த அப்போதைய தட்டார்மடம் காவல் நிலைய ஆய்வாளர் அனிதா மற்றும் குற்றவாளிக்கு தண்டனை பெற்று தர நீதிமன்றத்தில் திறம்பட வாதிட்ட அரசு தரப்பு வழக்கறிஞர் ஆனந்த் கேப்ரியல் ராஜ் அவர்களையும், விசாரணைக்கு உதவியாக இருந்த தலைமை காவலர் சுடலைமுத்து ஆகியோரை மாவட்ட காவல் கண்காணிப்பாளர் ஆல்பர்ட் ஜான் பாராட்டினார்.
மக்கள் கருத்து
வழக்கறிஞர்Aug 4, 2025 - 09:56:04 PM | Posted IP 162.1*****
ஒழுங்கா தூக்குத் தண்டனை சட்டம் கொண்டு வருங்க, அப்போது தான் அடுத்தடுத்து கொலைகள் நடக்காது
மேலும் தொடரும் செய்திகள்

கன்னியாகுமரியில் சிறப்பு வேலை வாய்ப்பு முகாம்: 30 பேருக்கு பணி ஆணைகள்!
சனி 30, ஆகஸ்ட் 2025 3:54:19 PM (IST)

குமரியிலிருந்து சாய் நகர் சீரடி சாய்பாபா கோவிலுக்கு செல்ல நேரடி ரயில் இயக்க பக்தர்கள் கோரிக்கை
சனி 30, ஆகஸ்ட் 2025 12:44:37 PM (IST)

காஷ்மீரில் நிலச்சரிவு: குமரியில் இருந்து புறப்படும் ஹிம்சாகர் எக்ஸ்பிரஸ் ரயில் ரத்து
வெள்ளி 29, ஆகஸ்ட் 2025 11:48:10 AM (IST)

வேளாங்கண்ணிக்கு சிறப்பு பேருந்து சேவை: அமைச்சர் த.மனோ தங்கராஜ் துவக்கி வைத்தார்
வெள்ளி 29, ஆகஸ்ட் 2025 11:37:11 AM (IST)

வாய்ப்பினை நன்றாக பயன்படுத்தி வாழ்வில் ஏற்றம் பெற வேண்டும்: ஆட்சியர் அறிவுரை!
வியாழன் 28, ஆகஸ்ட் 2025 5:22:38 PM (IST)

குளத்தில் தவறி விழுந்து பள்ளி மாணவன் பலி: ஆசாரிபள்ளம் அருகே சோகம்!
புதன் 27, ஆகஸ்ட் 2025 5:36:42 PM (IST)

NAAN THAANAug 8, 2025 - 12:07:53 PM | Posted IP 162.1*****