மாநில வில் வித்தை போட்டி: வீரவநல்லூர் மாணவனுக்கு தங்கப்பதக்கம் வென்று அசத்தல்

மாநில அளவிலான வில் வித்தை போட்டியில் வீரவநல்லூர் பாரதியார் அரசு மேல்நிலைப்பள்ளி மாணவர் முதலிடம் பெற்று தங்கப்பதக்கம் வென்றுள்ளார். 

மாநில அளவிலான வில்வித்தை போட்டிகள் சென்னை திருவேற்காடு அர்ஜூனா ஆர்ச்சரி அகதெமியில் அண்மையில் நடைபெற்றது. இப்போட்டியில் மாநில முழுவதும் பல்வேறு பள்ளிகளில் இருந்து 350 மாணவர், மாணவிகள் கலந்துகொண்டனர். இதில், திருநெல்வேலி மாவட்டத்தைச் சேர்ந்த பல்வேறு பள்ளி மாணவர்கள் மாநில அளவில் புள்ளி பட்டியலில் மூன்றாம் இடம் பெற்றனர். இரு தரவரிசைப் போட்டியில் திருநெல்வேலி மாவட்டம், வீரவநல்லூர் பாரதியார் அரசு மேல்நிலைப் பள்ளி மாணவர் ஊ. லெபின் சுதர்ஷன், ஒரு போட்டியில் மாநில அளவில் முதலிடம் பெற்றுத் தங்கப்பதக்கமும், அடுத்தப் போட்டியில் வெள்ளிப்பதக்கமும் வென்றார். 

மாணவருக்கு பள்ளியின் தலைமையாசிரியர் டேனியல் கிப்சன், பொறுப்பாசிரியர் இராஜேஷ்வரி, ஆசிரியர் தியாகராஜன், ஆசிரியர்கள், அலுவலர்கள், மாவட்ட வில் வித்தை அமைப்பின் தலைவர் எஸ். ஆறுமுகம், துணைத் தலைவர்கள் டி. சேகர், எஸ்.பி. ஜெகமோகன், மாவட்டச் செயலர் கே. பூல்பாண்டி, பொருளாளர் ஏ. இளையராஜா, நிர்வாகிகள் பாராட்டுத் தெரிவித்தனர்.