கர்ப்பமாக்கி ஏமாற்றி விட்டார்: மாதம்பட்டி ரங்கராஜ் மீது ஜாய் கிரிஸில்டா புகார்!

பின்னர் செய்தியாளர்களை சந்தித்த அவர் கூறுகையில், "மாதம்பட்டி ரங்கராஜ் எனது கணவர், நான் அவருடன் சேர்ந்து வாழ வேண்டும் என்றும், என் வயிற்றில் இருக்கும் குழந்தைக்கு அவர்தான் அப்பா, அவருடன் கடைசியாக பேச முயற்சித்தபோது தன்னை தாக்கினார் என்று ஆடை வடிவமைப்பாளர் ஜாய் கிரிஸில்டா பரபரப்பு குற்றச்சாட்டை தெரிவித்துள்ளார்.

இதுகுறித்து ஆடை வடிவமைப்பாளர் ஜாய் கிரிஸில்டா செய்தியாளர்களிடம் கூறியதாவது: எனது கணவர் மாதம்பட்டி ரங்கராஜ் என்னுடன் தொடர்பில் இல்லை. எனக்கும், எனது குழந்தைக்காகவும் நான் இப்போது போராடிக் கொண்டிருக்கிறேன். இதுகுறித்து நான் காவல் நிலையத்தில் புகார் அளித்துள்ளேன். மாதம்பட்டி ரங்கராஜ் என்னை ஏமாற்றிவிட்டார். என் வயித்துல இருக்கிற குழந்தைக்கு அவர் தான் அப்பா. அதனால் அவர் இந்த குழந்தைக்கு பதில் சொல்லி ஆக வேண்டும்.

முறைப்படி என்னை திருமணம் செய்து கொண்டு வருடங்கள் ஆகிவிட்டன. அப்பார்ட்மென்டில் ஒன்றாக வாழ்ந்து கொண்டிருக்கிறோம். அது அனைவருக்கும் தெரியும். இருவரும் ஜூடிசியல் செப்பரேஷனில் இருப்பதாக கூறினார். அதனை நம்பி தான் மாதம்பட்டி ரங்கராஜை திருமணம் செய்தேன். ஒன்றரை மாதமாக அவருடன் எந்தவொரு தொடர்பிலும் நான் இல்லை. கோவிலில் எங்களுடைய திருமணத்தை பதிவு செய்துள்ளோம்.

மாதம்பட்டி ரங்கராஜை தொடர்பு கொள்ள பல்வேறு வழிகளில் முயற்சி செய்தேன். ஆனால், அவரிடம் என்னை பேச விடாமல் தடுக்கின்றனர். பேச விடாமல் தடுப்பது அவருடைய நண்பர்கள், தம்பி, குடும்பத்தினராக இருக்கலாம். நான் மாதம்பட்டி ரங்கராஜுடன் சேர்ந்து வாழ வேண்டும். இந்த குழந்தைக்கு அவர் அப்பா. அதனை மட்டும் தான் நான் புகாராக தெரிவித்துள்ளேன்.