கனிமொழி எம்.பி., பிறந்த நாள்: முதல்வர் மு.க. ஸ்டாலினை சந்தித்து வாழ்த்து பெற்றார்!

தனது பிறந்த நாளை முன்னிட்டு, தமிழக முதல்வர் மு.க.ஸ்டாலினை நேரில் சந்தித்து கனிமொழி கருணாநிதி எம்.பி. வாழ்த்து பெற்றார்.

திமுக துணைப் பொதுச் செயலாளரும்,நாடாளுமன்ற குழுத் தலைவருமான கனிமொழி கருணாநிதி தனது பிறந்தநாளை முன்னிட்டு, சென்னை சித்தரஞ்சன் சாலையில் உள்ள இல்லத்தில் திமுக தலைவரும், தமிழ்நாடு முதலமைச்சருமான மு.க.ஸ்டாலினை நேரில் சந்தித்து வாழ்த்து பெற்றார். அதைத்தொடர்ந்து, கனிமொழிக்கு  மு.க.ஸ்டாலின் பொன்னாடை போர்த்தி வாழ்த்து தெரிவித்தார். துர்கா ஸ்டாலினும் கனிமொழிக்குப் பிறந்தநாள் வாழ்த்து தெரிவித்தார்.