ஹஜ் யாத்திரை சிறப்பு தடுப்பூசி முகாம்: உடல் தகுதி சான்றுகள் வழங்கப்பட்டது!

கன்னியாகுமரி மாவட்டத்தில் ஹஜ் புனித யாத்திரைக்கு செல்லும் யாத்திரகளுக்கான பரிசோதனை மற்றும் தடுப்பூசி முகாம் நடைபெற்றது.

தமிழ்நாடு முதலமைச்சர் வழிக்காட்டுதலின்படி, கன்னியாகுமரி மாவட்டத்தில் ஹஜ் புனித யாத்திரை மேற்கொள்ள இருக்கும் ஹஜ் யாத்திரிகள் 65 நபர்களுக்கு தடுப்பூசி செலுத்தும் நடவடிக்கைகள் அனைத்தும் மாவட்ட சுகாதாரத்துறை மூலம் ஏற்பாடு செய்யப்பட்டு இதற்கான தடுப்பூசி முகாம் இன்று (28.04.2025) கிருஷ்ணன்கோவில் மாவட்ட சுகாதார அலுவலக, தடுப்பூசி கூடத்தின் மேல்மாடியில் வைத்து நடைபெற்றது. இம்முகாமில் அரசு பொதுநல மருத்துவர்கள் கலந்துகொண்டு உடல் தகுதி பரிசோதனைகள் மேற்கொண்டு உடல் தகுதி சான்றுகள் வழங்கப்பட்டது. 

இம்முகாமில் தமிழ்நாடு அரசால் கன்னியாகுமரி மாவட்டதிற்கு ஹஜ் புனித யாத்திரை மேற்கொள்ளவதற்காக அனுமதி பெற்ற பயனாளிகளுக்கு QMMV (மெனிஞ்ஜோகொக்கல் மெனிஞ்ஜிட்டிஸ் தடுப்பூசி) மற்றும் SIV (சீசனல் இன்ப்ளூயன்சா தடுப்பூசி) தடுப்பூசிகள் செலுத்தப்பட்டது. மூன்று வயதிலிருந்து 65 வயது வரை உள்ள ஹஜ் பயணிகளுக்கு QMMV மற்றும் போலியோ சொட்டுமருந்து வழங்கப்பட்டது. 65 வயதுக்கு மேற்பட்டவர்களுக்கு SIV, QMMV மற்றும் போலியோ சொட்டுமருந்து வழங்கப்பட்டது.