மின்சாரம் தாக்கி 8-ம் வகுப்பு மாணவன் பலி: ராஜாக்கமங்கலம் அருகே பரிதாபம்!

» செய்திகள் - விளையாட்டு » மாவட்ட செய்தி (கன்னியாகுமரி)

மின்சாரம் தாக்கி 8-ம் வகுப்பு மாணவன் பலி: ராஜாக்கமங்கலம் அருகே பரிதாபம்!

சனி 2, நவம்பர் 2024 5:41:30 PM (IST)

ராஜாக்கமங்கலம் அருகே மைதானத்தில் விளையாடிக் கொண்டிருந்தபோது மின்சாரம் தாக்கி 8-ம் வகுப்பு மாணவன் பரிதாபமாக இறந்தான்.

குமரி மாவட்டம், ராஜாக்கமங்கலம் அருகே உள்ள ஆடராவிளையைச் சேர்ந்தவர் செல்வகுமார். இவருடைய மகன் ஸ்ரீதர் (13). ஸ்ரீதர் ஈத்தாமொழி பகுதியில் உள்ள அரசு மேல்நிலைப்பள்ளியில் 8-ம் வகுப்பு படித்து வந்தான். இந்தநிலையில் நேற்று மாலை ஸ்ரீதர் வீட்டு அருகில் உள்ள மைதானத்தில் விளையாடிக் கொண்டிருந்தான்.

விளையாடிக் கொண்டிருந்த இடத்தில் சாலையோரமாக லோடுடன் ஒரு லாரி நின்று கொண்டிருந்தது. அப்போது விளையாடிக் கொண்டிருந்த ஸ்ரீதரின் செருப்பு எதிர்பாராத விதமாக அந்த லாரியின் மீது விழுந்துள்ளது. உடனே ஸ்ரீதர் தனது செருப்பை எடுப்பதற்காக அந்த லாரி மீது ஏறினார். அப்போது மேலே சென்றுகொண்டிருந்த மின் கம்பியில் உரசியதில் ஸ்ரீதரை மின்சாரம் தாக்கியது.

இதில் அலறியபடி தூக்கி வீசப்பட்டு கீழே விழுந்தான். அங்கு விளையாடிக் கொண்டிருந்த சிறுவர்களும், அக்கம் பக்கத்தினரும் ஸ்ரீதரை மீட்டு சிகிச்சைக்காக ஈத்தாமொழியில் ஒரு தனியார் மருத்துவமனைக்கு கொண்டு சென்றனர். பின்னர், மேல் சிகிச்சைக்காக ஆசாரிபள்ளம் அரசு மருத்துவமனைக்கு கொண்டு சென்றனர். அங்கு அவனை பரிசோதனை செய்த டாக்டர்கள், ஸ்ரீதர் ஏற்கனவே இறந்து விட்டதாக தெரிவித்தனர்.

அதைகண்டு அங்கிருந்து அவனது பெற்றோர் மற்றும் உறவினர்கள் கதறி அழுந்தனர். பின்னர், ஸ்ரீதரின் உடல் பிரேத பரிசோதனைக்கு அனுப்பி வைக்கப்பட்டது. இதுகுறித்த புகாரின் பேரில் ராஜாக்கமங்கலம் போலீசார் விசாரணை நடத்தி வருகின்றனர். இந்த சம்பவம் அந்த பகுதியில் சோகத்தை ஏற்படுத்தி உள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

மின்சாரம் தாக்கி 8-ம் வகுப்பு மாணவன் பலி: ராஜாக்கமங்கலம் அருகே பரிதாபம்!

» செய்திகள் - விளையாட்டு » மாவட்ட செய்தி (கன்னியாகுமரி)