போலி ஆவணம் தயாரித்து விமானப்படை அதிகாரி நிலம் மோசடி: தம்பதி உட்பட 3 பேர் கைது!

நெல்லை மாவட்டம் வீரவநல்லூர் அருகே போலி ஆவணங்கள் தயாரித்து நில மோசடியில் ஈடுபட்ட தம்பதி உட்பட 3 பேரைக் காவல் துறையினர் கைது செய்துள்ளனர்.

பாளையங்கோட்டை பாரதிநகரைச் சேர்ந்தவர் டாக்டர் முத்துமணி. இத் தந்தை இந்திரஜித், இந்திய விமானப்படையில் அதிகாரியாகப் பணியாற்றியவர். நான்கு யுத்தங்களில் பங்கேற்ற காரணத்தால் இவருக்கு வீரவநல்லூர் பகுதியில் 1 ஏக்கர் 67 சென்ட் நிலத்தை அரசு வழங்கியிருந்தது. இந்திரஜித் 1994 ஆம் ஆண்டு காலமானார்.

இத் நிலத்தை வாரிசுகள் தங்கள் பெயருக்கு மாற்ற முயன்றபோது, சார்பதிவாளர் அலுவலக முறைகேடு மூலம் வேறு சிலர் போலி ஆவணங்கள் தயாரித்துப் பதிவு செய்திருப்பது வில்லங்கச் சான்று வழியாகத் தெரியவந்தது.நிலம் அபகரிக்கப்பட்டது குறித்து டாக்டர் முத்துமணி நெல்லை மாவட்ட எஸ்பி அலுவலகத்தில் புகார் அளித்தார். இப்புகாரின் பேரில் மாவட்டக் குற்றப்பிரிவு போலீசார் வழக்குப் பதிவு செய்து தீவிர விசாரணை நடத்தினர்.

போலீசார் நடத்திய விசாரணையில், வீரவநல்லூர் அருகே வெள்ளாங்குளியைச் சேர்ந்த மாரியப்பன், இத் மனைவி சரவணத்தம்மாள் மற்றும் கோடரங்குளத்தைச் சேர்ந்த லட்சுமி ஆகிய மூவரும் இணைந்து போலி ஆவணங்கள் தயாரித்து நிலத்தை அபகரித்தது உறுதி செய்யப்பட்டது. அதனைத் தொடர்ந்து மாரியப்பன், சரவணத்தம்மாள், லட்சுமி ஆகிய 3 பேரையும் போலீசார் கைது செய்து சிறையில் அடைத்தனர்.