குடும்பத் தலைவிகளுக்கு ரூ.2500 மாதாந்திர உதவித் தொகை : ஆளுநர் ஒப்புதல்

» செய்திகள் - விளையாட்டு » தமிழகம்

குடும்பத் தலைவிகளுக்கு ரூ.2500 மாதாந்திர உதவித் தொகை : ஆளுநர் ஒப்புதல்

வியாழன் 4, ஜூன் 2026 3:30:55 PM (IST)

புதுச்சேரி ஆளுநர் மாளிகை இன்று முதல் புதிய கட்டிடத்தில் செயல்படத் தொடங்கியது. புதிய அலுவலகத்தில், 21 முதல் 55 வயதிற்கு உட்பட்ட குடும்பத் தலைவிகளுக்கு வழங்கப்படும் மாதாந்திர உதவித்தொகை ரூ.2,500-ஆக உயர்த்தி வழங்குவது உள்பட 3 முக்கிய கோப்புகளுக்கு துணை நிலை ஆளுநர் கைலாஷ்நாதன் கையெழுத்திட்டார்.

புதுச்சேரியில் பாரதி பூங்கா எதிரே துணை நிலை ஆளுநர் மாளிகை செயல்பட்டு வருகிறது. அது பழைய கட்டிடம் என்பதால் தற்போது அங்கு புதுப்பிக்கும் பணி நடைபெறவுள்ளது. இதன் காரணமாக பழைய சாராய வடிசாலை வளாகத்தில் புதிதாக கட்டப்பட்டுள்ள கட்டிடத்துக்கு தற்போது துணை நிலை ஆளுநர் அலுவலகம் இடம் மாற்றம் செய்யப்பட்டது.

இந்நிலையில், கடற்கரைச் சாலையையொட்டி குபேர் சாலையில் அமைந்துள்ள புதிய அலுவலகத்தில் ஆளுநர் மாளிகை இன்று முதல் செயல்படத் தொடங்கியது. புதிய கட்டிடத்தில் தனது முதல் நாள் பணியை தொடங்கிய துணை நிலை ஆளுநர் கைலாஷ் நாதன், மூன்று கோப்புகளை பார்வையிட்டு ஒப்புதல் வழங்கி கையொப்பம் இட்டார்.

கோப்புகள் விவரம் தொடர்பாக ஆளுநர் மாளிகை தரப்பில் கூறுகையில், "புதுச்சேரி மாநிலத்தில் ஏழ்மை நிலையில் உள்ள 21 முதல் 55 வயதிற்கு உட்பட்ட குடும்பத் தலைவிகளுக்கு வழங்கப்படும் மாதாந்திர உதவித்தொகை ரூ.2,500-ஆக உயர்த்தி வழங்குவதற்கு ஒப்புதல் தரப்பட்டது. இதன் மூலம் 64,450 குடும்பத் தலைவிகள் பயன்பெறுவர். இதற்காக ரூ.16.11 கோடி ஒதுக்கீடு செய்யப்பட்டுள்ளது.

முதியோர் மற்றும் ஆதரவற்ற பெண்களுக்கு வழங்கப்படும் மாதாந்திர உதவித்தொகை வழங்குவதற்கான ஒப்புதல் கோப்பில் கையெழுத்திடப்பட்டது. இதன்படி, 1,96,616 பயனாளிகளுக்கு ரூ.2,500, ரூ.3,000 மற்றும் ரூ.4,000 வழங்க ஏப்ரல் மாதத்திற்கான தொகையாக ரூ.56.32 கோடி ஒதுக்கீடு செய்யப்பட்டுள்ளது.

பிப்டிக் நிறுவன பங்குதாரர்களுக்கு (புதுச்சேரி அரசு மற்றும் ஐடிபிஐ வங்கி) பங்குத் தொகை ரூ.37.76 லட்சம் மற்றும் சிறப்பு பங்குத் தொகை வழங்குவதற்காக ஒப்புதல் கோப்பில் கையெழுத்திடப்பட்டது என்று ஆளுநர் மாளிகை தரப்பில் தெரிவிக்கப்பட்டது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

குடும்பத் தலைவிகளுக்கு ரூ.2500 மாதாந்திர உதவித் தொகை : ஆளுநர் ஒப்புதல்

» செய்திகள் - விளையாட்டு » தமிழகம்