தூத்துக்குடி மாவட்டத்தில் பள்ளிகள் திறப்பு: பூக்கள் தூவி மாணவர்களை வரவேற்ற ஆசிரியர்கள்!

தூத்துக்குடி மாவட்டம், வல்லநாட்டில் உள்ள வி.றி.வி.டி அரசு மேல்நிலைப்பள்ளியில், 2026-2027 ஆம் கல்வியாண்டின் தொடக்கமாக இன்று (04.06.2026) பள்ளிகள் திறக்கப்பட்டதைத் தொடர்ந்து,  குறு, சிறு மற்றும் நடுத்தர தொழில் நிறுவனங்கள் துறை அமைச்சர் பெ.மதன்ராஜா , மாவட்ட ஆட்சியர் விஷு மகாஜன்,   தலைமையில் பள்ளி மாணவ, மாணவியர்களுக்கு கல்வி உபகரணங்களை வழங்கினார்.

தூத்துக்குடி மாவட்டத்திற்குட்பட்ட 1352 அரசு மற்றும் அரசு உதவி பெறும் தொடக்க / நடுநிலைப்பள்ளிகளில் பயிலும் 65000 மாணவர்கள் மற்றும் 221 அரசு மற்றும் அரசு உதவிபெறும் உயர்நிலை / மேல்நிலைப்பள்ளிகளில் 1 ஆம் வகுப்பு முதல் 12ஆம் வகுப்பு வரை பயிலும் 1,03,196 மாணவ மாணவியர்களுக்கு விலையில்லா பாடப்புத்தகம், விலையில்லா பாடக்குறிப்பேடுகள், விலையில்லா சீருடைகள், விலையில்லா கணித உபகரணப்பெட்டி, விலையில்லா புத்தகப்பை மற்றும் இதர கல்வி உபகரணப் பொருட்கள் பள்ளி திறப்பு நாளை முன்னிட்டு இன்றைய தினம் வழங்கப்பட்டு வருகிறது.

அதன் தொடர்ச்சியாக இன்று  குறு, சிறு மற்றும் நடுத்தர தொழில் நிறுவனங்கள் துறை அமைச்சர் பெ.மதன்ராஜா  மற்றும் மாவட்ட ஆட்சியர் விஷு மகாஜன்,   ஆகியோர் வல்லநாடு வி.றி.வி.டி அரசு மேல்நிலைப்பள்ளியில் பயிலும் மாணவ, மாணவியர்களுக்கு கல்வி உபகரணங்களை வழங்கி, இனிப்புகள் மற்றும் ரோஜா பூக்கள் கொடுத்து வரவேற்றார்.

இந்நிகழ்வில் மாவட்ட முதன்மை கல்வி அலுவலர்  சங்கீதா சின்னராணி, திருவைகுண்டம் வட்டாட்சியர் தாஹிர் அஹமது, மாவட்ட கல்வி அலுவலர்கள், பள்ளி தலைமையாசிரியர், ஆசிரியர்கள் மற்றும் மாணவ மாணவியர்கள் பலர் கலந்து கொண்டனர்.