தவெக கூட்டணியில் காங்கிரசுக்கு மாநிலங்களவை எம்பி சீட்: முதல்வர் விஜய் அறிவிப்பு!

தவெக கூட்டணியில் உள்ள காங்கிரஸ் கட்சிக்கு மாநிலங்களவை உறுப்பினர் பதவியை வழங்குவதாக முதல்வர் சி. ஜோசப் விஜய் அறிவித்துள்ளார்.

தமிழகத்தில் காலியாகும் மாநிலங்களவை உறுப்பினர் இடங்களுக்கான தேர்தல் வரும் ஜூன் 18-ஆம் தேதி நடைபெற உள்ளது. இத்தேர்தலில், தமிழக வெற்றிக் கழகம் தலைமையிலான கூட்டணியில் இடம்பெற்றுள்ள அகில இந்திய காங்கிரஸ் கட்சிக்கு ஒரு மாநிலங்களவை உறுப்பினர் (MP) இடம் ஒதுக்கீடு செய்யப்பட்டுள்ளதாகத் தமிழக முதலமைச்சரும், த.வெ.க. தலைவருமான சி. ஜோசப் விஜய் அதிகாரப்பூர்வமாக அறிவித்துள்ளார்.

இது குறித்து தமிழக வெற்றிக் கழகத் தலைமையகம் சார்பில் முதலமைச்சர் விஜய் வெளியிட்டுள்ள செய்தி அறிக்கையில் கூறப்பட்டுள்ளதாவது: "இம்மாதம் 18-ஆம் தேதி தமிழ்நாட்டில் இருந்து தேர்ந்தெடுக்கப்பட உள்ள மாநிலங்களவை உறுப்பினருக்கான தேர்தலில், தமிழ்நாட்டில் தமிழக வெற்றிக் கழகம் தலைமையிலான கூட்டணியில் நீடித்து வரும் உன்னத உடன்பாட்டின்படி, கூட்டணியில் இடம்பெற்றுள்ள அகில இந்திய காங்கிரஸ் கட்சிக்கு ஒரு மாநிலங்களவை உறுப்பினர் இடம் முழுமையாக ஒதுக்கீடு செய்யப்பட்டுள்ளது." எனத் தெரிவித்துள்ளார். 

இந்த அறிவிப்பின் மூலம், த.வெ.க. தலைமையிலான கூட்டணியின் உள்கட்டமைப்பு மற்றும் கூட்டணிக் கட்சிகளுக்கிடையேயான சுமுக உறவு நாடாளுமன்றத் தேர்தல் தளத்திலும் உறுதி செய்யப்பட்டுள்ளது என அரசியல் வட்டாரங்கள் தெரிவிக்கின்றன.