விக்கிரவாண்டியில் தி.மு.க வெற்றி முகம் : இனிப்பு வழங்கிய முதல்வர் ஸ்டாலின்!

விக்கிரவாண்டி இடைத்தேர்தலில் திமுக தொடர்ந்து முன்னிலை பெற்று வரும் நிலையில், அண்ணா அறிவாலயம் வந்த முதல்வர்  மு.க.ஸ்டாலின் அங்கு திரண்டிருந்த தொண்டர்களுக்கு இனிப்புகள் வழங்கினார்.

விக்கிரவாண்டி சட்டமன்ற தொகுதி இடைத்தேர்தலில் பதிவான வாக்குகளை எண்ணும் பணி நடைபெற்று வருகிறது. இதில் துவக்கம் முதலே தி.மு.க முன்னிலையில் உள்ளது. இதில் 8வது சுற்று நிலவரப்படி தி.மு.க வேட்பாளர் அன்னியூர் சிவா 51,567 வாக்குகள் பெற்று முன்னிலையில் உள்ளார்.

தி.மு.க தொடர்ந்து முன்னிலை பெற்று வருவதால் அக்கட்சியினர் கொண்டாட்டத்தில் ஈடுபட்டுள்ளனர். விக்கிரவாண்டி தொகுதியில் பல்வேறு இடங்களில் பட்டாசுகளை வெடித்தும் இனிப்புகள் வழங்கியும் தி.மு.க-வினர் கொண்டாடி வருகிறார்கள். அதேபோல அண்ணா அறிவாலயத்திலும் தி.மு.கவினர் கொண்டாட்டத்தில் ஈடுபட்டுள்ளனர். இந்நிலையில் தி.மு.க தொடர்ந்து முன்னிலை பெற்று வருவதை அடுத்து அண்ணா அறிவாலயம் வந்த தி.மு.க. தலைவரும், முதல்-அமைச்சருமான மு.க.ஸ்டாலின் அங்கு திரண்டிருந்த தொண்டர்களுக்கு இனிப்புகள் வழங்கினார்.