கூடங்குளம் அணு உலையில் வடிகால் அமைப்பிற்குள் நுழைந்த ஜெல்லி மீன்கள்: மின் உற்பத்தி நிறுத்தம்!

» செய்திகள் - விளையாட்டு » மாவட்ட செய்தி (கன்னியாகுமரி)

கூடங்குளம் அணு உலையில் வடிகால் அமைப்பிற்குள் நுழைந்த ஜெல்லி மீன்கள்: மின் உற்பத்தி நிறுத்தம்!

செவ்வாய் 18, ஆகஸ்ட் 2026 8:33:58 AM (IST)

நெல்லை மாவட்டம் கூடங்குளம் 2-வது அணு உலையின் வடிகால் அமைப்பிற்குள் ஜெல்லி மீன்கள் புகுந்ததால் ஏற்பட்ட தொழில்நுட்பக் கோளாறு காரணமாக மின் உற்பத்தி திடீரென நிறுத்தப்பட்டது.

கூடங்குளம் அணுமின் நிலையத்தில் ரஷிய நாட்டுத் தொழில்நுட்ப உதவியுடன் தலா 1,000 மெகாவாட் மின் உற்பத்தி திறன் கொண்ட இரண்டு அணு உலைகள் மூலம் மின் உற்பத்தி நடைபெற்று வருகிறது. மேலும், 4 புதிய அணு உலைகள் அமைக்கும் பணிகள் முழுவீச்சில் நடைபெற்று வருகின்றன.

இங்குள்ள அணு உலைகளைக் குளிர்விப்பதற்காக 'ஈரப்பத பிரிப்பான் வடிகால் அமைப்பு' (Moisture Separator Drainage System) செயல்பட்டு வருகிறது. இதில் சக்திவாய்ந்த மோட்டார்கள் மூலம் கடல்நீர் உறிஞ்சப்பட்டு அணு உலைகள் குளிர்விக்கப்பட்டு வருகின்றன. நேற்று முன்தினம் காலையில், 2-வது அணு உலையின் ஈரப்பத பிரிப்பான் வடிகால் அமைப்பிற்குள் ஏராளமான ஜெல்லி மீன்கள் திடீரெனப் புகுந்தன.

ஜெல்லி மீன்கள் வடிகால் அமைப்பை அடைத்துக் கொண்டதால், உடனடியாகத் தொழில்நுட்பக் கோளாறு ஏற்பட்டது. இதையடுத்து, முன்னெச்சரிக்கை நடவடிக்கையாக 2-வது அணு உலையில் மின் உற்பத்தி உடனடியாக நிறுத்தப்பட்டது.

தகவலறிந்த தொழில்நுட்ப வல்லுநர்கள் சம்பவ இடத்திற்கு வரவழைக்கப்பட்டு, வடிகால் அமைப்பில் சிக்கியிருந்த ஜெல்லி மீன்களை அகற்றி அக்கோளாறைச் சரி செய்யும் பணியில் தீவிரமாக ஈடுபட்டனர். சுமார் 4 மணி நேரப் போராட்டத்திற்குப் பிறகு தொழில்நுட்பக் கோளாறு முழுமையாகச் சரிசெய்யப்பட்டு, 2-வது அணு உலையில் மீண்டும் மின் உற்பத்தி தொடங்கப்பட்டது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

கூடங்குளம் அணு உலையில் வடிகால் அமைப்பிற்குள் நுழைந்த ஜெல்லி மீன்கள்: மின் உற்பத்தி நிறுத்தம்!

» செய்திகள் - விளையாட்டு » மாவட்ட செய்தி (கன்னியாகுமரி)