தூத்துக்குடி - கச்சகுடா இடையே புதிய வாராந்திர ரயில் சேவை நாளை தொடக்கம்: பயணிகள் மகிழ்ச்சி !

தூத்துக்குடி மற்றும் தெலங்கானா மாநிலத் தலைநகர் ஹைதராபாத் (கச்சகுடா) இடையேயான புதிய வாராந்திர விரைவு ரயில் சேவை நாளை (08.04.2026) முதல் தொடங்கப்பட உள்ளது.

இந்த புதிய ரயில் சேவை, தென் தமிழக மக்களுக்கும் ஹைதராபாத் செல்லும் பயணிகளுக்கும் பெரும் பயனுள்ளதாக அமையும் என எதிர்பார்க்கப்படுகிறது.  

தூத்துக்குடி - கச்சகுடா (17616): ஒவ்வொரு புதன்கிழமையும் காலை 07:40 மணிக்கு தூத்துக்குடியில் இருந்து புறப்படும் இந்த ரயில், மறுநாள் (வியாழக்கிழமை) மதியம் 13:25 மணிக்கு கச்சகுடாவை சென்றடையும்.

கச்சகுடா - தூத்துக்குடி (17615): மறுமார்க்கமாக, கச்சகுடாவில் இருந்து ஒவ்வொரு திங்கட்கிழமையும் மாலை 19:00 மணிக்கு புறப்பட்டு, மறுநாள் (செவ்வாய்க்கிழமை) இரவு 22:30 மணிக்கு தூத்துக்குடியை வந்தடையும்.

இந்த ரயில் தமிழகம் மற்றும் ஆந்திரா/தெலங்கானா மாநிலங்களின் முக்கிய நகரங்களை இணைக்கும் வகையில் இயக்கப்படுகிறது

முக்கிய நிறுத்தங்கள்: தூத்துக்குடி, கோவில்பட்டி, சாத்தூர், விருதுநகர் சந்திப்பு, மதுரை சந்திப்பு, திண்டுக்கல் சந்திப்பு, திருச்சிராப்பள்ளி சந்திப்பு, தஞ்சாவூர், கும்பகோணம், மயிலாடுதுறை சந்திப்பு, சிதம்பரம், விழுப்புரம் சந்திப்பு, திருவண்ணாமலை, வேலூர் கண்டோன்மென்ட், காட்பாடி சந்திப்பு, சித்தூர், பாகாலா சந்திப்பு (இங்கு வண்டி திசை மாற்றப்படும்), தர்மவரம் சந்திப்பு, அனந்தபூர், கர்னூல் சிட்டி, மஹபூப்நகர் மற்றும் காச்சிகுடா ஆகியவை இந்த பயணத்தின் முக்கிய நிறுத்தங்களாகும்.

ஆன்மீகத் தலங்களான திருவண்ணாமலை, சிதம்பரம் மற்றும் முக்கிய வணிக நகரங்களை இந்த ரயில் நேரடியாக இணைப்பதால், வணிகர்கள், மாணவர்கள் மற்றும் சுற்றுலாப் பயணிகளிடையே பெரும் வரவேற்பு கிடைத்துள்ளது. குறிப்பாக, தூத்துக்குடி துறைமுக நகரத்திலிருந்து ஹைதராபாத்திற்கு நேரடி ரயில் சேவை வேண்டும் என்ற நீண்ட நாள் கோரிக்கை இதன் மூலம் நிறைவேறியுள்ளது.