தூத்துக்குடியில் பக்கிள் ஓடை விரிவாக்கப் பணிகள் : கனிமொழி எம்பி துவக்கி வைத்தார்!

» செய்திகள் - விளையாட்டு » மாவட்ட செய்தி (கன்னியாகுமரி)

தூத்துக்குடியில் பக்கிள் ஓடை விரிவாக்கப் பணிகள் : கனிமொழி எம்பி துவக்கி வைத்தார்!

சனி 21, பிப்ரவரி 2026 12:07:26 PM (IST)

தூத்துக்குடியில் பக்கிள் ஓடை விரிவாக்கப் பணி உட்பட பல்வேறு பணிகளை கனிமொழி எம்பி அடிக்கல் நாட்டி துவக்கி வைத்தார்.

தூத்துக்குடி சிவந்தாகுளம் மாநகராட்சி நடுநிலைப்பள்ளியில் இன்று நடைபெற்ற விழாவில், நாடாளுமன்ற உறுப்பினர் கனிமொழி கருணாநிதி, சமூக நலன் மற்றும் மகளிர் உரிமைத்துறை அமைச்சர் பி. கீதா ஜீவன் முன்னிலையில் பல்வேறு திட்டப்பணிகளைத் திறந்து வைத்தார்.

செல்சீனி காலனி மற்றும் திரவியரத்தின நகர் ஆகிய பகுதிகளுக்கான புதிய நியாயவிலைக் கடைகள் மக்கள் பயன்பாட்டிற்குத் திறந்து வைக்கப்பட்டன. என்எல்சி தமிழ்நாடு பவர் லிமிடெட் (NTPL) நிறுவனத்தின் சமூகப் பொறுப்பு நிதியின் கீழ், ரூபாய் 94.57 இலட்சம் மதிப்பீட்டில் தரைத்தளம் மற்றும் முதல் தளத்துடன் கட்டப்பட்டுள்ள அதிநவீன கழிப்பறை கட்டிடம் திறந்து வைக்கப்பட்டது.

தொடர்ந்து தூத்துக்குடி மாநகராட்சி, 35வது வார்டு தேவகி நகர் சிறுவர் விளையாட்டு பூங்காவினை மாற்றுத்திறனாளிகள் பூங்காவாக மாற்றுவது தொடர்பாக தூத்துக்குடி பாராளுமன்ற உறுப்பினர் கனிமொழி கருணாநிதி பார்வையிட்டார். தூத்துக்குடி மாநகராட்சி, வி.வி.டி சாலை - பண்டுகரை சாலை சந்திப்பு (4ஆம் ரயில்வே கேட் ஓடை பாலம் அருகில்) பக்கிள் ஓடை விரிவாக்கப் பணிக்கான அடிக்கல் நாட்டி பணியினை துவக்கி வைத்தார்.

இந்த நிகழ்வின் போது மாவட்ட ஆட்சியர் க. இளம்பகவத், மாநகராட்சி மேயர் பெ. ஜெகன் மற்றும் மாநகராட்சி ஆணையர் சி. ப்ரியங்கா ஆகியோர் உடனிருந்தனர்.

மக்கள் கருத்து

podhu janamFeb 21, 2026 - 05:52:19 PM | Posted IP 172.7*****

thonda thonda panam.....tenders.........

BabuFeb 21, 2026 - 01:16:24 PM | Posted IP 162.1*****

thonda thonda mudiyatha visayam

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

தூத்துக்குடியில் பக்கிள் ஓடை விரிவாக்கப் பணிகள் : கனிமொழி எம்பி துவக்கி வைத்தார்!

» செய்திகள் - விளையாட்டு » மாவட்ட செய்தி (கன்னியாகுமரி)