விளவங்கோடு அருகே குளத்தில் ஆண் சடலம் மீட்பு!

விளவங்கோடு அருகே குளத்தில் வாலிபர் மூழ்கி இறந்த சம்பவம் குறித்து போலீசார் விசாரித்து வருகின்றனர். 

கன்னியாகுமரி மாவட்டம் விளவங்கோடு கிராமம் மடிச்சல் கீரங்குளம் பகுதியில் நேற்று பிற்பகல் ஆண் சடலம் மிதந்துள்ளது. இதுகுறித்து தகவல்  அறிந்த காவல் துறையினர் மற்றும் தீயணைப்பு துறையினர் சம்பவ இடத்துக்கு சென்று சடலத்தை மீட்டனர். 

பின்னர் சடலம் அரசு மருத்துவமனை குழித்துறைக்கு உடல் கூறாய்வுக்காக அனுப்பி வைக்கப்பட்டது. இறந்த நபர் காட்டு விளை குழித்துறை பகுதியில் வாடகைக்கு வசித்து வந்த ஜெகன் என்பதும், அவர் குளச்சல் பகுதியை சேர்ந்தவர் என்பதும் விசாரணையில் தெரிய வந்துள்ளது. சம்பவம் தொடர்பாக காவல் துறையினர் விசாரணை மேற்கொண்டு வருகின்றனர்.