சின்ன முட்டம் மீன்பிடி துறைமுகம் அருகே தீவிபத்து

சின்ன முட்டம் மீன்பிடி துறைமுகம் படகுகள் தயாரிக்கும் இடத்தில் ஏற்பட்ட தீயை தீயணைப்பு வீரர்கள் துரிதமாக செயல்பட்டு அணைத்தனர். 

கன்னியாகுமரி அருகே சின்ன முட்டம் மீன்பிடி துறைமுக பகுதியில், பைபர் படகுகள் தயாரிப்பில் உருவாகும் கழிவுகள் குவிந்து வைக்கப்பட்டிருந்த இடத்தில் இன்று திடீரென தீப்பிடித்து கரும்புகை மண்டலமாக உயர்ந்தது. தகவல் கிடைத்ததும் கன்னியாகுமரி தீயணைப்பு படையினர் விரைந்து வந்து, தீ பரவாமல் உடனடியாக கட்டுப்படுத்தி அணைத்தனர். துரித நடவடிக்கை காரணமாக பெரும் சேதம் மற்றும் விபத்து தவிர்க்கப்பட்டதாக துறைமுகப் பகுதி மக்கள் தெரிவித்தனர்.