வாக்கு எண்ணும் மையம் சிசிடிவி கண்காணிப்பு அறையில் ஜனநாயகன் பார்த்த ஊழியர் கைது!

» செய்திகள் - விளையாட்டு » தமிழகம்

வாக்கு எண்ணும் மையம் சிசிடிவி கண்காணிப்பு அறையில் ஜனநாயகன் பார்த்த ஊழியர் கைது!

செவ்வாய் 28, ஏப்ரல் 2026 12:35:26 PM (IST)

சென்னை அண்ணா பல்கலைக்கழகத்தில் அமைக்கப்பட்டுள்ள வாக்கு எண்ணும் மையக் கட்டுப்பாட்டு அறையில், லேப்டாப்பில் ஜனநாயகன் படம் பார்த்த ஒப்பந்த ஊழியரை போலீசார் கைது செய்துள்ளனர்.

தமிழகத்தில் கடந்த 23-ஆம் தேதி வாக்குப்பதிவு நிறைவடைந்த நிலையில், வாக்கு இயந்திரங்கள் 62 மையங்களில் பலத்த பாதுகாப்புடன் வைக்கப்பட்டுள்ளன. சென்னையில் ராணி மேரிக் கல்லூரி, அண்ணா பல்கலைக்கழகம், லயோலா கல்லூரி ஆகிய மூன்று இடங்களில் 16 தொகுதிகளுக்கான வாக்கு இயந்திரங்கள் மூன்றடுக்கு பாதுகாப்பில் உள்ளன.

இந்த மையங்களில் பொருத்தப்பட்டுள்ள கண்காணிப்பு கேமராக்களை (CCTV) 24 மணி நேரமும் கண்காணிக்கச் சுழற்சி முறையில் ஊழியர்கள் நியமிக்கப்பட்டுள்ளனர். அண்ணா பல்கலைக்கழக கட்டுப்பாட்டு அறையில் கண்காணிப்புப் பணியில் இருந்த யுவராஜ் என்ற ஒப்பந்த ஊழியர், தனது லேப்டாப்பில் நடிகர் விஜய் நடித்த ‘ஜனநாயகன்’ திரைப்படத்தைச் சட்டவிரோதமாகப் பதிவிறக்கம் செய்து பார்த்துள்ளார்.

அத்துடன் நிறுத்தாமல் படம் பார்ப்பதைச் செல்போனில் வீடியோ எடுத்துள்ளார். சென்னை மாநகராட்சி சார்பில் வழங்கப்பட்ட தனது தற்காலிக அடையாள அட்டையைப் புகைப்படம் எடுத்துள்ளார். இந்த வீடியோ மற்றும் புகைப்படத்தைத் தனது முகநூல் பக்கத்தில் பதிவிட்டுள்ளார்.

சமூக வலைதளத்தில் இது வைரலானதைத் தொடர்ந்து, சென்னை மாநகராட்சி அதிகாரிகளுக்குத் தகவல் கிடைத்தது. மிக முக்கியமான பாதுகாப்பு மண்டலத்தில் (Strong Room) அமர்ந்து கொண்டு, விதிகளை மீறிச் சினிமா பார்த்ததுடன், அதனை இணையதளத்தில் கசியவிட்ட செயல் அதிகாரிகளிடையே அதிர்ச்சியை ஏற்படுத்தியது.

உயர் அதிகாரிகளின் புகாரின் பேரில், தேர்தல் பாதுகாப்பு விதிகளை மீறியது மற்றும் கவனக்குறைவாகச் செயல்பட்டது ஆகிய பிரிவுகளின் கீழ் யுவராஜை போலீசார் கைது செய்து விசாரணை நடத்தி வருகின்றனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

வாக்கு எண்ணும் மையம் சிசிடிவி கண்காணிப்பு அறையில் ஜனநாயகன் பார்த்த ஊழியர் கைது!

» செய்திகள் - விளையாட்டு » தமிழகம்