தூத்துக்குடியில் பட்டப்பகலில் வாலிபர் வெட்டி கொலை : 4பேர் கும்பல் வெறிச்செயல்!

போலீசாரின் முதற்கட்ட விசாரணையில் கடந்த சில தினங்களுக்கு முன்னர், போடம்மாள் புரத்தை சேர்ந்த தங்க பாண்டி மகன் கார்த்திக் குமார் (24), முருகேசன் மகன் ராஜேஷ் (28), மற்றும் அவர்களது நண்பரான சதீஷ்குமார் (24), பாண்டி (23), குமார் (25), சதீஷ்குமார் (26) ஆகியோர் அங்குள்ள குளத்தின் கரையில் அமர்ந்து மது குடித்துக் கொண்டிருந்தார்காளம். 

அப்போது அங்கு வந்த வெள்ளைக்கண்ணு மற்றும் அவரது நண்பரான வனராஜா, உதயகுமார், சுரேஷ் என்ற பன்னி சுரேஷ், கேபிரியல், ஜெயராஜ் ஆண்ட்ரூஸ், பாரதி கார்த்திக், சந்தனகுமார், பாலமுருகன் ஆகிய 9 பேர் அவர்களிடம் தகராறு செய்து, ராஜ்குமார் மற்றும் அவரது நண்பர் ராஜேஷ் ஆகிய 2 பேரையும் அரிவாளால் வெட்டினார்களாம். இதில் படுகாயம் அடைந்த ராஜ்குமார் தூத்துக்குடி மருத்துவமனையில் அனுமதிக்கப்பட்டார்.  இந்த சம்பவம் குறித்து புதுக்கோட்டை காவல் நிலைய போலீசார் வழக்கு பதிவு செய்து 9 பேரையும் கைது செய்தனர். 

இந்நிலையில், வெள்ளக்கண்ணு உட்பட 9பேரும் ஜாமீனில் வெளியே வந்தனர். இதை அறிந்த ராஜ்குமார் மற்றும் அவரது நண்பர்கள் 3 பேருடன் சென்று வீட்டிலிருந்து வெளிய வந்த வெள்ளைகண்ணுவை வழிமறித்து சரமாரியாக அரிவாளால் வெட்டி கொலை செய்துவிட்டு 4 பேரும் பைக்கில் தப்பி சென்றுவிட்டனர் என விசாரணையில் தெரியவந்தது. இதையடுத்து போலீசார் ராஜ்குமார் உள்பட 4 பேரையும் தேடி வருகிறார்கள்.