பாளை சிறையில் எம்எல்ஏ மார்க்கண்டேயனை நேரில் சந்தித்தார் கனிமொழி எம்பி!

» செய்திகள் - விளையாட்டு » மாவட்ட செய்தி (கன்னியாகுமரி)

பாளை சிறையில் எம்எல்ஏ மார்க்கண்டேயனை நேரில் சந்தித்தார் கனிமொழி எம்பி!

செவ்வாய் 21, ஜூலை 2026 3:45:13 PM (IST)

பாளையங்கோட்டை மத்திய சிறையில் அடைக்கப்பட்டுள்ள திமுக எம்எல்ஏ மார்க்கண்டேயனை கனிமொழி எம்பி நேரில் சந்தித்து ஆறுதல் கூறினார்.

முதலமைச்சர் விஜய் குறித்துச் சர்ச்சைக்குரிய வகையில் பேசிய வழக்கில் கைது செய்யப்பட்டு நெல்லை பாளையங்கோட்டை மத்திய சிறையில் அடைக்கப்பட்டுள்ள விளாத்திகுளம் திமுக சட்டமன்ற உறுப்பினர் மார்க்கண்டேயனைத் தூத்துக்குடி நாடாளுமன்ற உறுப்பினர் கனிமொழி நேரில் சந்தித்துப் பேசினார்.

தூத்துக்குடி மாவட்டம், கோவில்பட்டியில் நடைபெற்ற பொதுக்கூட்டம் ஒன்றில் பேசிய பேச்சு தொடர்பாகத் தூத்துக்குடி மாவட்டக் குற்றப்பிரிவு காவல்துறையினரால் கைது செய்யப்பட்ட விளாத்திகுளம் எம்எல்ஏ ஜி.வி.மார்க்கண்டேயன், நீதிமன்றக் காவலில் நெல்லை பாளையங்கோட்டை மத்திய சிறையில் அடைக்கப்பட்டுள்ளார்.

இந்த நிலையில், பாளையங்கோட்டை மத்திய சிறைக்கு நேரில் சென்ற கனிமொழி எம்பி, சிறையிலுள்ள மார்க்கண்டேயனைச் சந்தித்து வழக்கு விபரங்கள் குறித்துக் கேட்டறிந்தார். இச் சந்திப்பின் போது முன்னாள் அமைச்சர் அனிதா ராதாகிருஷ்ணன், கீதா ஜீவன் உட்படத் தூத்துக்குடி மாவட்டத்தைச் சேர்ந்த திமுக சட்டமன்ற உறுப்பினர்களும், முக்கிய நிர்வாகிகளும் உடனிருந்தனர்.

பிறகு செய்தியாளர்களைச் சந்தித்த கனிமொழி எம்பி கூறியதாவது: "சிறையில் அடைக்கப்பட்டுள்ள விளாத்திகுளம் எம்எல்ஏ மார்க்கண்டேயன் நலமாக இருக்கிறார். திமுகவினர் மீது எத்தனை பொய் வழக்குகள் சுமத்தினாலும் அதைச் சட்டரீதியாக எதிர்கொள்ளக் கட்சித் தொண்டர்களும் நிர்வாகிகளும் தயாராகவே உள்ளோம். இதுபோன்ற அச்சுறுத்தல்களுக்குத் திமுகவினர் ஒருபோதும் அஞ்ச மாட்டார்கள்" என்றார்.

மக்கள் கருத்து

அதுக்குJul 22, 2026 - 11:34:31 AM | Posted IP 172.7*****

இப்போ என்ன ?

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

பாளை சிறையில் எம்எல்ஏ மார்க்கண்டேயனை நேரில் சந்தித்தார் கனிமொழி எம்பி!

» செய்திகள் - விளையாட்டு » மாவட்ட செய்தி (கன்னியாகுமரி)