தனிநபர் கடன், கல்விக் கடனுதவி பெற விண்ணப்பங்கள் வரவேற்பு - ஆட்சியர் ஆனந்த் மோகன் தகவல்!

சிறுபான்மையினர்களுக்கு தனிநபர் கடன், சுய உதவிக் குழுக்களுக்கான சிறுதொழில் கடன், மற்றும் கல்விக்கடன் ஆகிய கடனுதவி பெற விண்ணப்பங்கள் வரவேற்கப்படுகிறது திருநெல்வேலி மாவட்ட ஆட்சியர் ஆனந்த் மோகன் தெரிவித்துள்ளார். 

தமிழ்நாடு சிறுபான்மையினர் பொருளாதார மேம்பாட்டுக் கழகத்தின் மூலம் சிறுபான்மையினர்களுக்கு வேலைவாய்ப்பு மற்றும் வருமானம் ஈட்டுதலுக்கான செயல்பாடுகளுக்கு குறைந்த வட்டி விகிதத்தில் தனிநபர் கடன், சுய உதவிக் குழுக்களுக்கான சிறுதொழில் கடன் விராசாத் (கைவினைக் கலைஞர்களுக்கான கடன் திட்டம்) மற்றும் கல்விக்கடன் ஆகிய கடன் திட்டங்கள் செயல்படுத்தப்படுகிறது.

இத்திட்டத்தின் கீழ் பயன்பெற வெவ்வேறு வருமானம் சார்ந்த பயனாளிகளுக்கு கடன் (ம) வட்டி விகிதங்களின் மாறுபட்ட அளவுடன் கூடிய திட்டம் – 1 – ல் பயன்பெற குடும்ப ஆண்டு வருமானம் கிராம நகர்ப்புறங்களில் ரூ. 3,00,000/- க்கு மிகாமல் இருக்க வேண்டும் மற்றும் திட்டம் – 2 – ல் பயன்பெற குடும்ப ஆண்டு வருமானம் கிராம நகர்ப்புறங்களில் ரூ. 8,00,000/- வரை ஆண்டு வருமானம் இருக்க வேண்டும் (திட்டம் – 1 – ன் கீழ் நன்மைகளைப் பெற முடியாத நபர்கள்).

திட்டம் - 1 – ன் கீழ் தனிநபர் கடன் ஆண்டிற்கு 6% வட்டி விகிதத்திலும், அதிகபட்ச கடனாக ரூ. 20,00,000/- ம், திட்டம் – 2 – ன் கீழ் ஆண்களுக்கு 8%, பெண்களுக்கு 6% வட்டிவிகிதத்திலும் அதிகபட்ச கடனாக ரூ. 30,00,000/- கடன் வழங்கப்படுகிறது. கைவினைக் கலைஞர்களுக்கு ஆண்களுக்கு 5% பெண்களுக்கு 4% வட்டி விகித்த்தில் அதிகபட்ச கடனாக ரூ. 10,00,000/- கடன் வழங்கப்படுகிறது. சுயஉதவிக் குழுக்கடன் நபர் ஒருவருக்கு ரூ. 1,00,000/- ஆண்டிற்கு 7% வட்டி விகிதத்தில் கடன் வழங்கப்படுகிறது. 

திட்டம் – 2 – ன் கீழ் ஆண்களுக்கு 10%, பெண்களுக்கு 8% வட்டி விகிதத்திலும் நபர் ஒருவருக்கு ரூ.1,50,000/- கடன் வழங்கப்படுகிறது. மேலும், சிறுபான்மையின மாணவ / மாணவியர்கள் அரசால் அங்கீகரிக்கப்பட்ட கல்வி நிலையங்களில் இளங்கலை / முதுநிலை தொழிற்கல்வி தொழில்நுட்பக் கல்வி பயில்பவர்களுக்கு அதிகபட்சமாக திட்டம் – 1 – ன் கீழ் ரூ. 20,00,000/- வரையில் 3% வட்டி விகிதத்திலும், திட்டம் – 2 – ன் கீழ் மாணவர்களுக்கு 8%, மாணவியர்களுக்கு 5% வட்டி விகிதத்திலும் ரூ. 30,00,000/- வரையிலும் கல்வி கடனுதவி வழங்கப்படுகிறது.

மேலும், பொருளாதாரத்தில் பின்தங்கியுள்ள சிறுபான்மையினக் கைவினைக் கலைஞர்களுக்கு தங்களின் பொருளாதாரத்தை மேம்படுத்தும் பொருட்டு விராசாத் கடன் (கைவினைக் கலைஞர் கடன் திட்டம்) கைவினைக் கலைஞர்களுக்கு குறைந்த வட்டி விகிதத்தில் மூலப்பொருட்களான உபகரணங்கள் / கருவிகள் / இயந்திரங்கள் வாங்குவதற்கு இக்கடன் வழங்கப்படுகிறது. எனவே, சிறுபான்மையின மக்கள் இத்திட்டத்தை அதிகளவில் பயன்படுத்திக் கொள்ளுமாறு கேட்டுக்கொள்ளப்படுகிறது.

கடன் விண்ணப்பங்களுடன் இணைத்து சமர்ப்பிக்கப்பட வேண்டிய போதிய ஆவணங்கள்

தனிநபர் கடன் திட்டம், சுயஉதவிக் குழுக்கடன், விராசாத் (கைவினைக் கலைஞர் கடன் திட்டம்)

1. சிறுபான்மையினர் மதச் சான்றிதழ்.

2. சாதிச் சான்றிதழ் / வருமானச் சான்றிதழ் / குடும்ப அட்டை அல்லது இருப்பிடச் சான்றிதழ்.

3. ஆதார் அட்டை.

4. திட்ட அறிக்கை (கடன் தொகை ரூ. 5,00,000/- க்கு மேல் இருப்பின்).

5. வங்கிகள் கோரும் இதர ஆவணங்கள்.

கல்விக் கடன்

1. சிறுபான்மையினர் மதச் சான்றிதழ்.

2. சாதிச் சான்றிதழ் / வருமானச் சான்றிதழ் / இருப்பிடச் சான்றிதழ் நகல் / குடும்ப அட்டை.

3. ஆதார் அட்டை.

4. உண்மைச் சான்றிதழ் (Bonafide Certificate) அசல்.

5. கல்விக் கட்டணங்கள் செலுத்திய இரசீது அசல் (Original).

6. மதிப்பெண் சான்றிதழ் நகல்.

7. வங்கிகள் கோரும் இதர ஆவணங்கள்.