கன்னியாகுமரி கடல் அலையின் சீற்றத்தால் குளிக்க தடை: சுற்றுலா பயணிகள் ஏமாற்றம்

» செய்திகள் - விளையாட்டு » மாவட்ட செய்தி (கன்னியாகுமரி)

கன்னியாகுமரி கடல் அலையின் சீற்றத்தால் குளிக்க தடை: சுற்றுலா பயணிகள் ஏமாற்றம்

ஞாயிறு 29, ஜூன் 2025 11:09:27 AM (IST)

கன்னியாகுமரியில் கடல் சீற்றமாக இருந்ததால் சுற்றுலா பயணிகள் குளிக்க தடை விதிக்கப்பட்டது.

இந்தியாவின் தென்கோடி முனையான கன்னியாகுமரிக்கு தினமும் ஆயிரக்கணக்கான உள்நாட்டு மற்றும் வெளிநாட்டு சுற்றுலா பயணிகள் வருகிறார்கள். வார விடுமுறையை முன்னிட்டு அதிகாலையில் சூரியன் உதயமாகும் காட்சியை காண முக்கடலும் சங்கமிக்கும் திரிவேணி சங்கமம் கடற்கரையில் ஏராளமான சுற்றுலா பயணிகள் குடும்பம், குடும்பாக திரண்டனர்.

ஆனால் மேகமூட்டம் காரணமாக சூரிய உதயம் சரியாக தெரியவில்லை. இதனால் அங்கு திரண்டிருந்த சுற்றுலா பயணிகள் ஏமாற்றம் அடைந்தனர். பின்னர் அவர்கள் திரிவேணி சங்கமத்தில் புனித நீராட சென்றனர். ஆனால் கடல் சீற்றம் ஆக்ரோஷமாக இருந்ததால் சுற்றுலா பயணிகள் குளிக்க தடை விதிக்கப்பட்டது. மேலும், யாரும் அந்த பகுதியில் கடலில் இறங்காமல் இருக்க தடுப்புகள் வைக்கப்பட்டிருந்தது.

இதன் காரணமாக அங்கு புனித நீராட வந்த பக்தர்களும், சுற்றுலா பயணிகளும் ஏமாற்றம் அடைந்தனர். எனினும் கடலின் நடுவே அமைந்துள்ள விவேகானந்தர் நினைவு மண்டபம் மற்றும் திருவள்ளுவர் சிலையை பார்வையிட படகு போக்குவரத்து நடந்தது. காலை 8 மணிக்கு படகு சேவை தொடங்கியதும் உற்சாகத்துடன் படகில் பயணம் செய்து விவேகானந்தர் நினைவு மண்டபம், கண்ணாடி நடைபாலம், திருவள்ளுவர் சிலை ஆகியவற்றை பார்த்து ரசித்தனர்.

இதுபோல் கன்னியாகுமரியில் உள்ள காந்தி நினைவு மண்டபம், காமராஜர் மணிமண்டபம், அரசு அருங்காட்சியகம், கலங்கரை விளக்கம், மீன் கண்காட்சி சாலை என அனைத்து பகுதிகளிலும் நேற்று காலை முதல் சுற்றுலா பயணிகளின் கூட்டம் அதிகமாக இருந்தது. இதனால் போலீசாரும், கடலோர பாதுகாப்பு குழும போலீசாரும், சுற்றுலா பாதுகாவலர்களும் தீவிர கண்காணிப்பு பணியில் ஈடுபட்டனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

கன்னியாகுமரி கடல் அலையின் சீற்றத்தால் குளிக்க தடை: சுற்றுலா பயணிகள் ஏமாற்றம்

» செய்திகள் - விளையாட்டு » மாவட்ட செய்தி (கன்னியாகுமரி)