அரசு புறம்போக்கு நிலங்களில் வசிப்பவர்களுக்கு இலவச பட்டா: கண்காணிப்பு அலுவலர் ஆய்வு!

குமரி மாவட்டத்தில் பத்து வருடங்களுக்கு மேல் அரசு புறம்போக்கு நிலங்களில் வசிப்பவர்களுக்கு இலவச பட்டா வழங்குவது குறித்து மாவட்ட கண்காணிப்பு அலுவலர் ஹனிஷ் சாப்ரா ஆய்வு மேற்கொண்டார். 

கன்னியாகுமரி மாவட்டம் விளவங்கோடு வட்டத்திற்குட்பட்ட மார்த்தாண்டம் பகுதியில் கல்குளம் விளவங்கோடு தாலுகா கூட்டுறவு விற்பனைச் சங்க வளாகம், கல்குளம் வட்டம் முத்தலாங்குறிச்சி வருவாய் கிராமத்திற்குட்பட்ட கேரளபுரம், இராஜா பாதை தெரு, அகஸ்தீஸ்வரம் வட்டத்திற்குட்பட்ட நாகர்கோவில் இரயில்வே நிலையம் இருளப்பபுரம் ஆகிய பகுதிகளை பகுதிகளில் கன்னியாகுமரி மாவட்ட கண்காணிப்பு அலுவலர் ஹனீஷ் சாப்ரா, மாவட்ட ஆட்சியர் ஆர்.அழகுமீனா தலைமையில் இன்று (27.02.2025) நேரில் பார்வையிட்டு, ஆய்வு மேற்கொண்டார்.

பின்னர் அவர் தெரிவிக்கையில்- தமிழ்நாடு முதலமைச்சர் பொதுப்பெயர் (ஜெனரிக்) மருந்துகளையும் பிற மருந்துகளையும் குறைந்த விலையில் பொதுமக்களுக்கு கிடைக்க செய்யும் வகையில் தமிழ்நாடு முழுவதும் முதற்கட்டமாக 1000 முதல்வர் மருந்தகங்கங்களை கடந்த 24.02.2025 அன்று காணொலி காட்சி வாயிலாக அனைத்து மாவட்டங்களிலும் திறந்து வைத்தார்கள். அதனடிப்படையில் கன்னியாகுமரி மாவட்டத்திற்குட்பட்ட 37 மையங்களில் முதல்வர் மருந்தகங்கள் பயன்பாட்டுக்கு கொண்டு வரப்பட்டுள்ளது.

அதனடிப்படையில் மேல்குறிப்பிட்ட மருந்தகங்களில் மருந்து வகைகள் கொண்டு செல்வதற்கு மார்த்தாண்டம் பகுதியிலுள்ள கூட்டுறவு விற்பனைச் சங்கம் வாளகத்தில் அமைக்கப்பட்டுள்ள முதல்வர் மருந்தக மாவட்ட மருந்து சேமிப்பு கிடங்கு ஆய்வு மேற்கொள்ளப்பட்டதோடு, தமிழ்நாடு முதலமைச்சர் அவர்களால் அறிவிக்கப்பட்டுள்ள மருந்து வகைகள் தங்கு தடையின்றி பொதுமக்கள் பயன்பாட்டிற்கு கொண்டு செல்லப்படுகிறதா என்பதை கூட்டுறவு துறை இணைப்பதிவாளர் உள்ளிட்ட துறை அலுவலர்களிடம் கேட்டறியப்பட்டது. மேலும் மருந்து பொருட்களின் இருப்புகள் குறித்து துறை அலுவலர்களிடம் கேட்டறியப்பட்டது. முதல்வர் மருந்தகத்திற்கும் தேவையான மருந்துகள், மாத்திரைகள் உள்ளிட்டவைகளை வழங்கியது குறித்து துறை அலுவலர்கள் உறுதி செய்திட வேண்டுமென அறிவுறுத்தப்பட்டது.

தொடர்ந்து தமிழ்நாடு முதலமைச்சர் அவர்களின் சிறப்பு திட்டமான மாநகராட்சி, நகராட்சிகள் மற்றும் பேரூராட்சி பகுதிகளில் 10 ஆண்டுகளுக்கு மேலாக ஆட்சேபனையில்லா அரசு புறம்போக்கு நிலங்களில் குடியிருக்கும் பயனாளிகளுக்கு நத்தம் வீட்டுமனை பட்டா வழங்குவது குறித்து ஆய்வு மேற்கொண்டு, அக்குடியிருப்பு பகுதிகளில் வசிக்கும் பொதுமக்களிடம் கேட்டறியப்பட்டதோடு, இத்திட்டத்தின் கீழ் 706 குடும்பங்கள் உள்ளனா என கண்டறியப்பட்டுள்ளது. தகுதியானவர்களுக்கு பட்டா வழங்க வருவாய்த்துறை அலுவலர்களுக்கு அறிவுறுத்தப்பட்டது.

மேலும் பேருந்து வசதியில்லாத இடங்களில் உள்ள பொதுமக்களின் வசதிக்காக மினி பேருந்துகள் இயக்குவதற்கு நடவடிக்கைகள் மேற்கொள்ளப்பட்டு வருகிறது. அதனடிப்படையில் அகஸ்தீஸ்வரம் வட்டம் நாகர்கோவில் இரயில்வே நிலையம் இருளப்பபுரம் வேத நகர் மற்றும் அருந்ததியர் காலனி வழியாக மினி பேருந்துகள் இயக்கப்படவுள்ள சாலைகள் ஆய்வு மேற்கொள்ளப்பட்டதோடு, பொதுமக்களிடம் பேருந்து சேவைகள் குறித்து கருத்து கேட்டகப்பட்டது. தமிழ்நாடு அரசால் அறிவிக்கப்பட்டு செயல்படுத்தப்பட்டு வரும் அனைத்து நலத்திட்டங்கள் மற்றும் வளர்ச்சி திட்டப்பணிகளும் பொதுமக்களுக்கு சென்றடைய அனைத்து துறை அலுவலர்களுக்கு ஒன்றிணைத்து செயல்பட வேண்டுமென கேட்டுக்கொள்கிறேன். இவ்வாறு கன்னியாகுமரி மாவட்ட கண்காணிப்பு அலுவலர் ஹனீஷ் சாப்ரா, தெரிவித்தார்கள்.

ஆய்வுகளில் மாவட்ட வருவாய் அலுவலர் ஜெ.பாலசுப்பிரமணியம், பத்மநாபபுரம் சார் ஆட்சியர் வினய்குமார் மீனா, நாகர்கோவில் வருவாய் கோட்டாட்சியர் எஸ்.காளீஸ்வரி, வட்டார போக்குவரத்து அலுவலர் சசி, கூட்டுறவு சங்கங்களின் இணைப்பதிவாளர் சிவகாமி, வட்டாட்சியர்கள் ஜிலியன் ஹூவர் (விளவங்கோடு), சஜித் (கல்குளம்), துறை துறை அலுவலர்கள் உட்பட பலர் கலந்து கொண்டார்கள்.