இலங்கை சிறையில் இருந்து விடுவிக்கப்பட்ட 12 மீனவர்கள் சொந்த ஊர் திரும்பினர்

» செய்திகள் - விளையாட்டு » மாவட்ட செய்தி (கன்னியாகுமரி)

இலங்கை சிறையில் இருந்து விடுவிக்கப்பட்ட 12 மீனவர்கள் சொந்த ஊர் திரும்பினர்

ஞாயிறு 1, டிசம்பர் 2024 8:57:00 AM (IST)

இலங்கை சிறையில் இருந்து விடுவிக்கப்பட்டு சொந்த ஊருக்கு வந்த தருவைகுளம் பகுதியைச் சேர்ந்த 12 மீனவர்களை அவர்களது குடும்பத்தினர் கண்ணீர் மல்க வரவேற்றனர்.

தூத்துக்குடி அருகேயுள்ள தருவைகுளம் மீனவ கிராமத்தைச் சேர்ந்த அந்தோணி மகாராஜா, தென் டேனிலா ஆகியோரின் விசைப்படகுகளில் சென்ற 22 மீனவர்கள் இலங்கை கடல்பகுதியில் அத்துமீறி நுழைந்ததாக கடந்த ஆகஸ்ட் 5ஆம் தேதி இலங்கை கடற்படையினரால் கைது செய்யப்பட்டனர். அதைத் தொடர்ந்து, அவர்கள் அங்குள்ள நீதிமன்றத்தில் ஆஜர் படுத்தப்பட்டு சிறையில் அடைக்கப்பட்டனர்.

இவர்களை மீட்க மத்திய, மாநில அரசுகள் இந்திய தூதரகம் மூலம் பல்வேறு முயற்சிகளை மேற்கொண்டது. இதன் பலனாக, அந்தோணி மகாராஜா என்பவரது படகில் சென்ற 12 மீனவர்களை புத்தளம் நீதிமன்றம் விடுவித்து உத்தரவு பிறப்பித்தது. இதைத் தொடர்ந்து அந்த 12 மீனவர்களும் இலங்கையில் இருந்து வெள்ளிக்கிழமை மாலை விமான மூலம் சென்னை விமான நிலையத்துக்கு வந்தனர்.

பின்னர், அங்கிருந்து கார் மூலம் தருவைகுளம் மீனவ கிராமத்திற்கு நேற்று வந்தடைந்தனர். இலங்கை சிறையில் இருந்து வந்த மீனவர்களை தருவைகுளம் மீனவ கிராம மக்கள் மற்றும் குடும்பத்தினர் கண்ணீர் மல்க வரவேற்றனர். மேலும், இலங்கை சிறையில் உள்ள மற்றொரு படகில் சென்ற 10 மீனவர்களையும் மீட்க மத்திய, மாநில அரசுகள் நடவடிக்கை எடுக்க வேண்டும் என மீனவர்கள் கோரிக்கை விடுத்துள்ளனர்.

மக்கள் கருத்து

அப்போDec 1, 2024 - 07:16:18 PM | Posted IP 162.1*****

படகு? அவங்க வச்சிட்டாங்களா?

Dr.Y.J.A.Kalai SelvanDec 1, 2024 - 01:53:12 PM | Posted IP 162.1*****

Thanks to the BJP Central & State Governments on behalf of the Fisher Men

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

இலங்கை சிறையில் இருந்து விடுவிக்கப்பட்ட 12 மீனவர்கள் சொந்த ஊர் திரும்பினர்

» செய்திகள் - விளையாட்டு » மாவட்ட செய்தி (கன்னியாகுமரி)