எரிசக்தி பாதுகாப்பில் புதிய மைல்கல்: பிரதமரின் யுஏஇ பயணத்தில் 5 முக்கிய ஒப்பந்தங்கள்!

» செய்திகள் - விளையாட்டு » உலகம்

எரிசக்தி பாதுகாப்பில் புதிய மைல்கல்: பிரதமரின் யுஏஇ பயணத்தில் 5 முக்கிய ஒப்பந்தங்கள்!

வெள்ளி 15, மே 2026 3:41:49 PM (IST)

ஐரோப்பிய நாடுகளுக்கு அரசு முறைப் பயணம் மேற்கொண்டுள்ள பிரதமர் நரேந்திர மோடி, அதன் முதல் கட்டமாக ஐக்கிய அரபு அமீரகத்திற்கு 2 மணி நேரப் பயணம் மேற்கொண்டு வரலாற்றுச் சிறப்புமிக்க ஒப்பந்தங்களில் கையெழுத்திட்டுள்ளார்.

டெல்லியில் இருந்து இன்று (மே 15) புறப்பட்ட பிரதமர் மோடி, முதலில் ஐக்கிய அரபு அமீரகம் சென்றடைந்தார். அங்கு அந்நாட்டு அதிபர் ஷேக் முகமது பின் சயீத் அல் நஹ்யான் அவர்களைச் சந்தித்துப் பேச்சுவார்த்தை நடத்தினார். இரு நாட்டு உறவுகளை அடுத்த கட்டத்திற்கு எடுத்துச் செல்லும் வகையில் ஐந்து முக்கியத் துறைகளில் ஒப்பந்தங்கள் மேற்கொள்ளப்பட்டன.

முக்கிய ஒப்பந்தங்கள்:

இரு நாடுகளுக்கும் இடையே பாதுகாப்பு கூட்டாண்மைக்கான புதிய கட்டமைப்பு ஒப்பந்தம்.

இந்தியாவில் பெட்ரோலிய இருப்பு மற்றும் எல்பிஜி (LPG) விநியோகம் தடையின்றி கிடைப்பதற்கான புரிந்துணர்வு ஒப்பந்தங்கள்.

குஜராத்தின் வதினார் பகுதியில் அதிநவீன கப்பல் பழுதுபார்க்கும் மையத்தை அமைப்பதற்கான ஒப்பந்தம்.

இந்தியக் கட்டமைப்பு மற்றும் வங்கித் துறையில் (RBL வங்கி, சம்மன் கேப்பிட்டல்) சுமார் 5 பில்லியன் டாலர் (சுமார் ₹41,000 கோடி) முதலீடு செய்வதற்கான ஒப்பந்தம்.

அடுத்தடுத்த பயணங்கள்:

யுஏஇ பயணத்தை முடித்துக் கொண்ட பிரதமர், அங்கிருந்து நெதர்லாந்துக்குப் புறப்பட்டுச் சென்றார். அவரது அடுத்தடுத்த பயணத் திட்டங்கள்:

மே 15 - 17: நெதர்லாந்து பயணம்.

மே 17 - 18: ஸ்வீடன் பயணம்.

மே 19: நார்வே பயணம் (இந்தியா - நார்வே இடையேயான 3-வது உச்சி மாநாட்டில் பங்கேற்பு).

இறுதியாக: இத்தாலி பயணம்.

மேற்காசியப் போர்ச் சூழலால் கச்சா எண்ணெய் விலை உயர்ந்து வரும் நிலையில், யுஏஇ உடனான இந்த எரிசக்தி ஒப்பந்தங்கள் இந்தியாவின் தேவையைப் பூர்த்தி செய்ய மிக முக்கியமானதாகப் பார்க்கப்படுகிறது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

எரிசக்தி பாதுகாப்பில் புதிய மைல்கல்: பிரதமரின் யுஏஇ பயணத்தில் 5 முக்கிய ஒப்பந்தங்கள்!

» செய்திகள் - விளையாட்டு » உலகம்