» செய்திகள் - விளையாட்டு » உலகம்
ஈரான் மீது அணு ஆயுதம் பயன்படுத்த மாட்டேன்: அமெரிக்க அதிபர் டிரம்ப் திட்டவட்டம்
வெள்ளி 24, ஏப்ரல் 2026 5:00:28 PM (IST)
ஈரான் மீது அணு ஆயுதத்தைப் பயன்படுத்தும் திட்டம் எதுவுமில்லை என்று அமெரிக்க அதிபர் டிரம்ப் திட்டவட்டமாகத் தெரிவித்துள்ளார்.
இது தாெடர்பாக அவர் செய்தியாளர்களிடம் அளித்துள்ள பேட்டியில், ஈரானுடனான பேச்சுவார்த்தைகளில் நிலவும் இழுபறி குறித்துப் பேசிய டிரம்ப், இந்தப் போரை முடிவுக்குக் கொண்டுவர தாம் அவசரப்படப்போவதில்லை என்று குறிப்பிட்டார். தற்காலிகமான தீர்வுகளை விட, என்றென்றும் நிலைத்திருக்கக்கூடிய மிகச் சிறந்த ஒப்பந்தத்தையே தாம் விரும்புவதாகவும், ஈரான் பேச்சுவார்த்தைக்கு முன்வரவில்லை எனில், ராணுவ ரீதியான முடிவுகளை எடுக்கத் தயங்கப் போவதில்லை என்றும் அவர் எச்சரித்தார்.
ஈரானுக்கு எதிராக அணு ஆயுதத்தைப் பயன்படுத்துவது குறித்து பரிசீலிக்கவில்லை என்று கூறிய அவர், வழக்கமான ராணுவ வலிமையாலேயே ஈரானை முழுமையாக முறியடிக்க முடியும் என்று தெளிவுபடுத்தினார். அணு ஆயுதங்களைப் பயன்படுத்துவதை எவரும் ஒருபோதும் ஆதரிக்கக்கூடாது என்றும் அவர் வலியுறுத்தினார்.
தற்போது ஈரானின் தலைமை பொறுப்பில் குழப்பம் நிலவுவதாகவும், அந்நாட்டின் தலைவர்கள் தங்களுக்குள்ளேயே பூனை-நாய் சண்டையிடுவது போல மோதிக்கொள்வதாகவும் டிரம்ப் குற்றம் சாட்டினார். மேலும், போர் நிறுத்தக் காலத்தில் ஈரான் ஆயுதக் கிடங்குகளை நிரப்பியிருந்தாலும், அமெரிக்க ராணுவத்தால் அவற்றைச் சுமார் ஒரு நாளுக்குள் முழுமையாக அழித்துவிட முடியும் என்று டிரம்ப் மிகுந்த தன்னம்பிக்கையுடன் கூறினார்.
மக்கள் கருத்து
மேலும் தொடரும் செய்திகள்
ஈரான் உடனான 2ஆம் கட்ட அமைதிப்பேச்சுவார்த்தை : அமெரிக்க துணை அதிபர் பங்கேற்கவில்லை
சனி 25, ஏப்ரல் 2026 12:03:38 PM (IST)
இந்தியா - நியூசிலாந்து இடையே தடையற்ற வர்த்தக ஒப்பந்தம்: ஏப். 27-ல் கையெழுத்தாகிறது
வெள்ளி 24, ஏப்ரல் 2026 12:14:18 PM (IST)
இந்தியர்களுக்கு இனி விசா தேவையில்லை: பிரான்ஸ் அரசு அறிவிப்பு
வெள்ளி 24, ஏப்ரல் 2026 11:17:03 AM (IST)
ஈரானுக்கு எதிரான தற்காலிக போர்நிறுத்தம் நீட்டிப்பு: அமெரிக்க அதிபர் டிரம்ப் அறிவிப்பு
புதன் 22, ஏப்ரல் 2026 10:54:33 AM (IST)
ஜப்பானில் 70 ஆண்டுகால ஆயுத ஏற்றுமதி தடை நீக்கம்: ஆஸ்திரேலியாவுடன் ₹60,000 கோடி ஒப்பந்தம்!
புதன் 22, ஏப்ரல் 2026 8:28:15 AM (IST)
இந்தியா - இலங்கை இடையே 6 ஒப்பந்தங்கள்: துணை ஜனாதிபதி முன்னிலையில் கையெழுத்து!
செவ்வாய் 21, ஏப்ரல் 2026 9:08:06 AM (IST)
லெபனானில் இயேசு சிலையைச் சேதப்படுத்திய இஸ்ரேல் வீரர்: அமைச்சர் கடும் கண்டனம்!
திங்கள் 20, ஏப்ரல் 2026 3:55:13 PM (IST)
