தங்கம் வாங்காதீர்கள் என்பது அறிவுரை அல்ல, தோல்வியின் சான்று: பிரதமர் மீது ராகுல் சாடல்!

» செய்திகள் - விளையாட்டு » இந்தியா

தங்கம் வாங்காதீர்கள் என்பது அறிவுரை அல்ல, தோல்வியின் சான்று: பிரதமர் மீது ராகுல் சாடல்!

திங்கள் 11, மே 2026 4:39:29 PM (IST)

மேற்காசியப் போர் நெருக்கடி மற்றும் அன்னியச் செலாவணி சேமிப்பைக் கருத்தில் கொண்டு பிரதமர் மோடி வழங்கிய அறிவுரைகளைப் பொருளாதாரத் தோல்வியின் அடையாளம் என மக்களவை எதிர்க்கட்சித் தலைவர் ராகுல் காந்தி கடுமையாகச் சாடியுள்ளார்.

சமீபத்தில் உரையாற்றிய பிரதமர் மோடி, நாட்டின் பொருளாதார நலன் கருதி திருமணங்களுக்கு ஓராண்டுக்கு தங்கம் வாங்குவதைத் தவிர்க்க வேண்டும் எனவும், எரிபொருள், உரம் மற்றும் சமையல் எண்ணெய் பயன்பாட்டைக் குறைத்துக் கொள்ள வேண்டும் எனவும் நாட்டு மக்களைக் கேட்டுக்கொண்டார். மேலும், மெட்ரோ ரயில்களில் பயணிப்பது மற்றும் வீட்டிலிருந்தே வேலை செய்வது போன்ற சிக்கன நடவடிக்கைகளையும் அவர் வலியுறுத்தினார்.

பிரதமரின் இந்த உரைக்குத் தனது 'எக்ஸ்' (X) தளத்தில் பதிலடி கொடுத்துள்ள ராகுல் காந்தி கூறியிருப்பதாவது: "நேற்று மோடி அவர்கள் மக்களைத் தியாகம் செய்யக் கேட்டுக்கொண்டார். இது வெறும் அறிவுரை அல்ல, கடந்த 12 ஆண்டுகளில் நாடு அடைந்துள்ள பொருளாதாரத் தோல்வியின் சான்று.

மக்கள் எதை வாங்க வேண்டும், எங்கே செல்ல வேண்டும் என்று சொல்ல வேண்டிய நிலைக்கு நாட்டை அவர் கொண்டு வந்துள்ளார். ஒவ்வொரு முறையும் அரசு தனது தோல்விகளுக்கான பொறுப்பை மக்கள் மீது சுமத்திவிட்டுத் தப்பித்துக் கொள்கிறது. நாட்டை நடத்துவது என்பது இனி ஒரு சமரசம் செய்துகொண்ட பிரதமரால் இயலாத காரியம்." இவ்வாறு ராகுல் காந்தி தனது பதிவில் குறிப்பிட்டுள்ளார்.

அரசு தனது பொருளாதாரக் கொள்கைகளைச் சரி செய்யாமல், மக்களின் தனிப்பட்ட விருப்பங்கள் மற்றும் தேவைகளில் தலையிடுவதாக எதிர்க்கட்சிகள் தரப்பில் முன்வைக்கப்படும் இந்த விமர்சனம் அரசியல் வட்டாரத்தில் விவாதத்தை ஏற்படுத்தியுள்ளது.

மக்கள் கருத்து

காங்கிரஸ் ஒரு முட்டாள்à®®à¯‡ 12, 2026 - 06:27:20 PM | Posted IP 162.1*****

ஒரு மீன் விலை 100 ரூபாய் இருந்தால் வாங்கலாம் , அதே மீன் 1000 முதல் 5000 ரூபாய்க்கு விற்றால் வாங்கலாமா?? அந்த இத்தாலி முட்டா பையன் பப்புக்கு மூளை இருக்காது, எல்லோரும் பெரிய கோடீஸ்வரர் நினைப்பு.

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

தங்கம் வாங்காதீர்கள் என்பது அறிவுரை அல்ல, தோல்வியின் சான்று: பிரதமர் மீது ராகுல் சாடல்!

» செய்திகள் - விளையாட்டு » இந்தியா