» செய்திகள் - விளையாட்டு » தமிழகம்
கிராண்ட்மாஸ்டர் பிரக்ஞானந்தாவுக்கு ரூ.50 லட்சம் ஊக்கத்தொகை : முதல்வர் விஜய் வழங்கினார்!
திங்கள் 8, ஜூன் 2026 12:10:14 PM (IST)

நார்வே செஸ் தொடரில் சாம்பியன் பட்டம் வென்ற கிராண்ட் மாஸ்டர் பிரக்ஞானந்தாவுக்கு தமிழக அரசு சார்பில் ரூ.50 லட்சம் ஊக்கத்தொகையை முதல்வர் விஜய் வழங்கினார்!
நார்வே செஸ் 2026 சர்வதேசத் தொடரில், முதல் இந்தியராகச் சாம்பியன் பட்டத்தைக் கைப்பற்றி வரலாற்றுச் சாதனை படைத்துள்ள தமிழகத்தைச் சேர்ந்த இளளநிலை கிராண்ட்மாஸ்டர் ஆர். பிரக்ஞானந்தாவை தமிழக முதல்வர் விஜய், பாராட்டி ரூ.50 லட்சம் ஊக்கத்தொகை வழங்கியதோடு மட்டுமன்றி, அவருடன் இணைந்து முதல்வர் செஸ் விளையாடினார்.
நோர்வே சர்வதேச செஸ் போட்டியில் உலகத் தரம் வாய்ந்த வீரர்களை வீழ்த்தி, இத்தொடரின் வரலாற்றிலேயே முதன்முறையாகப் பட்ட வென்ற முதல் இந்தியர் என்ற அரிய பெருமையைப் பெற்றுத் தாயகம் திரும்பிய கிராண்ட்மாஸ்டர் ஆர். பிரக்ஞானந்தா, சென்னை தலைமைச் செயலகத்தில் இன்று தமிழக முதல்வர் ச.ஜோசப் விஜய் அவர்களை நேரில் சந்தித்து வாழ்த்துப் பெற்றார்.
அப்போது, பிரக்ஞானந்தாவின் இந்த உலகளாவிய மாபெரும் சாதனை தமிழர்களுக்கும், ஒட்டுமொத்த இந்திய நாட்டிற்கும் பெருமை சேர்த்துள்ளதாகத் தெரிவித்துப் பாராட்டிய முதல்வர், அவருக்குத் தமிழக அரசின் உயரிய பாராட்டுச் சான்றிதழ் மற்றும் ஊக்கத்தொகையாக ரூ.50 லட்சத்திற்கான காசோலையை நேரில் வழங்கித் தனது வாழ்த்துகளைத் தெரிவித்தார்.
இந்தச் சந்திப்பின் போது, உலகச் சாம்பியன் பிரக்ஞானந்தாவின் வேண்டுகோளுக்கிணங்க, தலைமைச் செயலக வளாகத்திலேயே அவருடன் முதல்வர் ச.ஜோசப் விஜய் செஸ் விளையாடி மகிழ்ந்தார். சர்வதேச அரங்கில் நாட்டின் புகழைக் கொண்டு சேர்த்த இளம் விளையாட்டு வீரரை நேரில் அழைத்து, பாராட்டி ஊக்கத்தொகை வழங்கியதோடு மட்டுமன்றி, அவருடன் இணைந்து முதல்வர் செஸ் விளையாடிய சுவாரசியமான நிகழ்வு விளையாட்டு வீரர்கள் மற்றும் பொதுமக்களிடையே பெரும் நெகிழ்ச்சியையும், வரவேற்பையும் பெற்றுள்ளது.
மக்கள் கருத்து
மேலும் தொடரும் செய்திகள்

தனிநபர் கடன், கடனுதவி பெற விண்ணப்பங்கள் வரவேற்பு - ஆட்சியர் ஆனந்த் மோகன் தகவல்!
திங்கள் 8, ஜூன் 2026 5:46:43 PM (IST)

எடப்பாடி பழனிசாமியுடன் தூத்துக்குடி மாவட்ட அதிமுக செயலாளர் எஸ்.பி. சண்முகநாதன் திடீர் சந்திப்பு!
திங்கள் 8, ஜூன் 2026 5:39:11 PM (IST)

நெல்லையில் அண்ணாமலை இயக்கத்தின் உறுப்பினர் சேர்க்கை முகாம்: பொதுமக்கள் ஆர்வம்!
திங்கள் 8, ஜூன் 2026 5:18:27 PM (IST)

ஆட்சி மாறினாலும் அவலங்கள் மாறவில்லை : டியூபர் மாரிதாஸ் கைது: அதிமுக, பாஜக கண்டனம்
திங்கள் 8, ஜூன் 2026 4:38:45 PM (IST)

கள் விற்பனைக்கு அரசு ஏன் அனுமதி வழங்கக் கூடாது? உயர்நீதிமன்ற மதுரை அமர்வு
திங்கள் 8, ஜூன் 2026 4:16:17 PM (IST)

தமிழ்நாடு மின்வாரிய தலைமை அலுவலக ஹார்டு டிஸ்க் திருட்டு வழக்கு சிபிசிஐடிக்கு மாற்றம்
திங்கள் 8, ஜூன் 2026 3:54:34 PM (IST)



மக்கள்Jun 8, 2026 - 02:36:02 PM | Posted IP 172.7*****