» செய்திகள் - விளையாட்டு » தமிழகம்
நெல்லை - மங்களூரு புதிய ரயில் சேவை: பிரதமர் மோடி நாளை தொடங்கி வைக்கிறார்
செவ்வாய் 10, மார்ச் 2026 7:59:23 AM (IST)
நெல்லை மற்றும் கர்நாடக மாநிலம் மங்களூரு இடையே புதிய வாராந்திர எக்ஸ்பிரஸ் ரயில் சேவையை பிரதமர் நரேந்திர மோடி நாளை (புதன்கிழமை) காணொலி காட்சி மூலம் தொடங்கி வைக்கிறார்.
நெல்லை சந்திப்பில் இருந்து மங்களூருவுக்குப் புதிய வாராந்திர ரயில் (வண்டி எண்: 16707 / 16708) சேவை அறிவிக்கப்பட்டுள்ளது. இந்த ரயில் நெல்லையிலிருந்து ஒவ்வொரு புதன்கிழமையும் பிற்பகல் 3:45 மணிக்கு புறப்பட்டு, மறுநாள் காலை 6:55 மணிக்கு மங்களூரு சென்றடையும்.
மறுமார்க்கத்தில், மங்களூருவிலிருந்து வியாழக்கிழமை தோறும் மதியம் 1 மணிக்கு புறப்படும் ரயில், மறுநாள் காலை 7:45 மணிக்கு நெல்லை வந்தடையும்.
நின்று செல்லும் நிலையங்கள்: இந்த ரயில் கோவில்பட்டி, சாத்தூர், விருதுநகர், மதுரை, திண்டுக்கல், ஒட்டன்சத்திரம், பழனி, உடுமலைப்பேட்டை, பொள்ளாச்சி, கொல்லங்கோடு, பாலக்காடு டவுன், பாலக்காடு, சோரனூர், திரூர், கோழிக்கோடு, வடகரை, தலசேரி, கண்ணூர், காஞ்சங்காடு மற்றும் காசர்கோடு ஆகிய நிலையங்களில் நின்று செல்லும்.
ரயில் பெட்டிகள் விவரம்: இந்த ரயிலில் மொத்தம் 17 எல்.எச்.பி. (LHB) ரக பெட்டிகள் இணைக்கப்பட்டுள்ளன. இதில் 4 பொதுப் பெட்டிகள், 8 மூன்றடுக்கு படுக்கை வசதி கொண்ட பெட்டிகள், 2 மூன்றடுக்கு ஏ.சி. பெட்டிகள், 1 இரண்டடுக்கு ஏ.சி. பெட்டி, ஒரு மாற்றுத்திறனாளி பெட்டி மற்றும் ஒரு சரக்கு பெட்டியுடன் கூடிய கார்டு பெட்டி ஆகியவை அடங்கும்.
திருச்சியில் நாளை நடைபெறும் விழாவில் கலந்து கொள்ளும் பிரதமர் நரேந்திர மோடி, அங்கிருந்தபடி காணொலி காட்சி மூலம் இந்த ரயில் சேவையைத் தொடங்கி வைக்கிறார். இதனை முன்னிட்டு நெல்லை சந்திப்பில் முக்கியப் பிரமுகர்கள் மற்றும் ரயில்வே அதிகாரிகள் கலந்து கொள்ளும் சிறப்பு நிகழ்ச்சிகளுக்கும் ஏற்பாடு செய்யப்பட்டுள்ளது.
மக்கள் கருத்து
மேலும் தொடரும் செய்திகள்
விஜய்க்கு என்று தனிப்பட்ட தத்துவமோ, கோட்பாடோ கிடையாது: சீமான் விமர்சனம்!
செவ்வாய் 10, மார்ச் 2026 8:20:15 AM (IST)
மருமகனை அடித்துக் கொன்ற மாமனாருக்கு ஆயுள் தண்டனை: தூத்துக்குடி நீதிமன்றம் தீர்ப்பு
திங்கள் 9, மார்ச் 2026 9:45:18 PM (IST)
திருச்செந்தூர் முருகன் கோவில் மாசி இசை விழா: 100-க்கும் மேற்பட்ட மாணவர்கள் பங்கேற்பு!
திங்கள் 9, மார்ச் 2026 9:37:29 PM (IST)
டிஜிட்டல் பணப்பரிவர்த்தனை: சிறந்த நடத்துநர்களுக்கு போக்குவரத்துக் கழகம் சார்பில் ஊக்கப்பரிசு
திங்கள் 9, மார்ச் 2026 8:43:18 PM (IST)
தமிழக அரசு அச்சுத்துறையில் வேலை: 10-ம் வகுப்பு மற்றும் ஐடிஐ முடித்தவர்களுக்கு வாய்ப்பு!
திங்கள் 9, மார்ச் 2026 5:49:45 PM (IST)
மாநிலங்களவைத் தேர்தல்: தம்பிதுரை, திருச்சி சிவா உள்ளிட்ட 6 பேர் போட்டியின்றித் தேர்வு!
திங்கள் 9, மார்ச் 2026 4:56:43 PM (IST)
தமிழக அரசைக் கண்டித்து மார்ச் 12-ல் ஆர்ப்பாட்டம் : தமிழக வெற்றிக் கழகம் அறிவிப்பு!
திங்கள் 9, மார்ச் 2026 4:51:47 PM (IST)
