தபால்காரர் மூலம் விளம்பரப் பிரசுரங்கள் அனுப்பும் சேவை அறிமுகம்: அஞ்சல் துறை அழைப்பு!

» செய்திகள் - விளையாட்டு » தமிழகம்

தபால்காரர் மூலம் விளம்பரப் பிரசுரங்கள் அனுப்பும் சேவை அறிமுகம்: அஞ்சல் துறை அழைப்பு!

திங்கள் 2, ஜூன் 2025 5:44:18 PM (IST)

தூத்துக்குடி அஞ்சல் கோட்டத்தில், விளம்பரங்கள், போஸ்டர்கள், கூப்பன்கள் தபால்காரர் மூலம் டெலிவரி செய்யப்படும் என்று அறிவிக்கப்பட்டுள்ளது.

இந்திய அஞ்சல் துறை, பொதுமக்களுக்கு விளம்பரங்கள் சென்றடைய Direct Post எனும் சேவையை வழங்கி வருகிறது. இதன் மூலம் துண்டு பிரசுரங்கள் அல்லது விளம்பரங்கள் போன்றவை ஒரு குறிப்பிட்ட முகவரி இல்லாமல் அனைத்து மக்களுக்கும் விளம்பர அஞ்சல்களை அனுப்ப உதவுகிறது.

நகரின் ஒரு குறிப்பிட்ட பகுதியிலோ அல்லது குறிப்பிட்ட ஊர்களிலோ தங்கள் விளம்பரங்களை அந்தந்த பகுதி மக்களிடம் கொண்டு சேர்க்க இந்த வசதியை பயன்படுத்திக்கொள்ளலாம். விருப்பத்தின்படி தேவைப்படும் Pincodeகளுக்கு மட்டும் டெலிவரி செய்யப்படும். இதற்கு குறைந்தபட்சம் 1000 எண்ணிக்கை தேவை மற்றும் A4, A3 வரையிலான அளவில் ஏற்றுக் கொள்ளப்படுகிறது.

புதிதாக தொடங்கப்படும் பள்ளிகளுக்கோ, கல்லூரிகளுக்கோ அல்லது கடைகளுக்கோ விளம்பரம் செய்ய இந்த Direct Post சேவையை பயன்படுத்தி விளம்பரம் செய்துகொள்ளலாம். விளம்பரம் தேவைப்படும் பகுதியின் அனைத்து வீடுகளுக்கும் இந்த விளம்பரப் பிரசுரங்கள் தபால்காரர் மூலம் பட்டுவாடா செய்யப்படும். போஸ்டர்கள், கூப்பன்கள் போன்றவைகளும் பட்டுவாடா செய்யப்படும்.

நேரடியாக அஞ்சல் பெட்டிகளில் போடப்படும் Direct Postகள் ஏற்றுக்கொள்ளப்பட மாட்டாது. எனவே விளம்பரதாரர்கள் தங்கள் விளம்பர தேவைகளுக்கு இந்த திட்டத்தினை உபயோகித்து பயனடையுமாறு தூத்துக்குடி முதுநிலை அஞ்சல் கோட்ட கண்காணிப்பாளர்(பொறுப்பு), வதக் ரவிராஜ் ஹரிஷ்சந்திர கேட்டுக்கொண்டுள்ளார்.மேலும் விவரங்களுக்கு எங்கள் வணிக அலுவலரை 9841875710 என்ற எண்ணில் தொடர்பு கொள்ளலாம் என்று தெரிவித்துள்ளார்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

தபால்காரர் மூலம் விளம்பரப் பிரசுரங்கள் அனுப்பும் சேவை அறிமுகம்: அஞ்சல் துறை அழைப்பு!

» செய்திகள் - விளையாட்டு » தமிழகம்