ரேஷன் கடையில் ஊழியர் தூக்குப்போட்டு தற்கொலை: தூத்துக்குடியில் பரபரப்பு

» செய்திகள் - விளையாட்டு » தமிழகம்

ரேஷன் கடையில் ஊழியர் தூக்குப்போட்டு தற்கொலை: தூத்துக்குடியில் பரபரப்பு

சனி 7, செப்டம்பர் 2024 8:32:08 AM (IST)

தூத்துக்குடியில் ரேஷன் கடைக்குள் ஊழியர் தூக்குப்போட்டு தற்கொலை செய்து கொண்ட சம்பவம் பரபரப்பை ஏற்படுத்தி உள்ளது.

தூத்துக்குடி திரவியபுரம் 5-வது தெருவை சேர்ந்தவர் ஆத்தியப்பன். இவருடைய மகன் ராமகிருஷ்ணன் (46). இவர் தூத்துக்குடி முனியசாமி புரத்தில் உள்ள கூட்டுறவு ரேஷன் கடையில் விற்பனையாளராக பணியாற்றி வந்தார். நேற்று ரேஷன் கடை விடுமுறை ஆகும். அதே நேரத்தில் கடைக்கு பொருட்களை இறக்குவதற்காக லாரி வருவதாக அவருக்கு தகவல் தெரிவித்து உள்ளனர்.

இதனால் ராமகிருஷ்ணன் ரேஷன் கடைக்கு சென்றார். சிறிது நேரம் கழித்து ரேஷன் பொருட்களுடன் லாரி வந்தது. பொருட்களை இறக்குவதற்காக லோடுமேன் கடையின் உள்ளே சென்றார். அப்போது அங்கு ராமகிருஷ்ணன் தூக்கில் பிணமாக தொங்கியதை கண்டு லோடுமேன் அதிர்ச்சி அடைந்தார். இதுபற்றி உடனடியாக தென்பாகம் போலீசுக்கு தகவல் தெரிவிக்கப்பட்டது.

அதன்பேரில் போலீசார் சம்பவ இடத்துக்கு விரைந்து வந்தனர். அவரது உடலை கைப்பற்றி பிரேத பரிசோதனைக்காக தூத்துக்குடி அரசு மருத்துவமனைக்கு அனுப்பி வைத்தனர். தொடர்ந்து வழக்குப்பதிவு செய்து விசாரணை நடத்தி வருகின்றனர்.

ராமகிருஷ்ணன் எதற்காக தற்கொலை செய்து கொண்டார், பணிச்சுமை காரணமா?, வேறு ஏதேனும் காரணங்கள் உள்ளதா என்று போலீசார் தீவிர விசாரணை நடத்தி வருகின்றனர். இறந்த ராமகிருஷ்ணனுக்கு மனைவியும், 2 மகன்களும் உள்ளனர். ரேஷன் கடைக்குள் ஊழியர் தூக்குப்போட்டு தற்கொலை செய்து கொண்ட சம்பவம், அந்த பகுதியில் பெரும் பரபரப்பை ஏற்படுத்தி உள்ளது.

மக்கள் கருத்து

சங்கர்Sep 7, 2024 - 02:33:39 PM | Posted IP 172.7*****

வெள்ளிக்கிழமை விடுமுறை லோடு எடுக்கக் கூடாது விதி உள்ளது ஆனால் கட்டாயப்படுத்தி லோடு இருக்கிறார்கள் அதன் விளைவு இந்த தற்கொலை

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

ரேஷன் கடையில் ஊழியர் தூக்குப்போட்டு தற்கொலை: தூத்துக்குடியில் பரபரப்பு

» செய்திகள் - விளையாட்டு » தமிழகம்