» செய்திகள் - விளையாட்டு » மாவட்ட செய்தி (கன்னியாகுமரி)
அதிமுக கூட்டணி 200 இடங்களுக்கு மேல் வெல்லும் : கடம்பூர் செ. ராஜு நம்பிக்கை!
ஞாயிறு 3, மே 2026 9:31:37 AM (IST)
அதிமுக கூட்டணி 200-க்கும் மேற்பட்ட தொகுதிகளில் வெற்றி பெறும் என்று முன்னாள் அமைச்சரும், கோவில்பட்டி தொகுதி அதிமுக வேட்பாளருமான கடம்பூர் செ. ராஜு நம்பிக்கை தெரிவித்துள்ளார்.
தமிழக சட்டப்பேரவைத் தேர்தல் வாக்கு எண்ணிக்கை நாளை (மே 4, திங்கள்கிழமை) நடைபெற உள்ள நிலையில், கோவில்பட்டி தொகுதி அதிமுக வாக்கு எண்ணும் மைய முகவர்களுக்கான ஆலோசனைக் கூட்டம் நேற்று நடைபெற்றது. இக்கூட்டத்திற்குத் தலைமை தாங்கிய கடம்பூர் செ. ராஜு, முகவர்களுக்குப் பல்வேறு ஆலோசனைகளை வழங்கினார்.கூட்டத்திற்குப் பின் செய்தியாளர்களிடம் பேசிய அவர் கூறியதாவது: தமிழகத்தில் அதிமுக கூட்டணி 200 தொகுதிகளுக்கு மேல் வெற்றி பெறும். அதிமுக மட்டுமே தனியாக 140 முதல் 170 தொகுதிகள் வரை வெல்லும் வாய்ப்பு உள்ளது. அதிமுக கூட்டணியில் அனைத்துக் கட்சிகளும் ஒருங்கிணைந்து பணியாற்றினோம். ஆனால், திமுக கூட்டணியில் காங்கிரஸ் கட்சி தாமதமாகவே இணைந்ததால், அவர்களுக்குள் ஒருமித்த கருத்து இல்லை.
புரட்சித் தலைவர் எம்.ஜி.ஆருக்குப் பின்னர் அரசியலுக்கு வந்த நடிகர்கள் யாராலும் வெற்றி பெற முடியவில்லை. தமிழக வெற்றிக் கழகத்தின் அரசியல் நிலைப்பாடு குறித்து நாளை தெரியவரும். கோவில்பட்டி தொகுதியில் நான் அதிக வாக்குகள் வித்தியாசத்தில் வெற்றி பெறுவேன். எஸ்.ஐ.ஆர் திட்டத்தை அரசியலாக்கி எதிர்த்தவர்கள் தற்போது யதார்த்த நிலையைப் புரிந்து கொள்வார்கள் என்றும் அவர் அப்போது குறிப்பிட்டார்.
மக்கள் கருத்து
மேலும் தொடரும் செய்திகள்
தாம்பரம் - திருவனந்தபுரம் அமித் பாரத் ரயிலைத் தினசரி ரயிலாக இயக்க கோரிக்கை
சனி 2, மே 2026 12:34:24 PM (IST)
நடத்தையில் சந்தேகம்: மனைவியைக் கழுத்தை நெரித்துக் கொன்ற கணவர் கைது!
வெள்ளி 1, மே 2026 12:50:09 PM (IST)
தமிழகத்திற்குத் தனி ரயில்வே அமைச்சகம் தேவை : குமரி மாவட்ட பயணிகள் சங்கம் கோரிக்கை
வெள்ளி 1, மே 2026 12:06:58 PM (IST)
குமரி மாவட்ட குடிநீர் தேவைக்காக பேச்சிப்பாறை அணையிலிருந்து நாளை முதல் தண்ணீர் திறப்பு!
வெள்ளி 1, மே 2026 10:36:50 AM (IST)
கன்னியாகுமரி கடலில் அமெரிக்க வாழ் சகோதரிகள் சடலமாக மீட்பு: போலீஸ் விசாரணை
வெள்ளி 1, மே 2026 8:53:57 AM (IST)
வெப்ப அலை : நண்பகல் 12 முதல் 3 மணி வரை தூய்மைப் பணியாளர்களுக்குப் பணி செய்யத் தடை!
வியாழன் 30, ஏப்ரல் 2026 5:33:54 PM (IST)
கோடை விடுமுறையை முன்னிட்டுச் சிறப்பு ரயில்கள் இயக்கம் : தெற்கு ரயில்வே அறிவிப்பு!
வியாழன் 30, ஏப்ரல் 2026 8:38:48 AM (IST)
Sponsored Ads
