தூத்துக்குடியில் தூய்மைப் பணியாளர் மீது தாக்குதல் : காவல் நிலையம் முற்றுகை!

» செய்திகள் - விளையாட்டு » மாவட்ட செய்தி (கன்னியாகுமரி)

தூத்துக்குடியில் தூய்மைப் பணியாளர் மீது தாக்குதல் : காவல் நிலையம் முற்றுகை!

வெள்ளி 13, பிப்ரவரி 2026 4:02:32 PM (IST)

தூத்துக்குடி மாநகராட்சியில் பணிபுரியும் தூய்மை வாகன ஓட்டுநர் தாக்கப்பட்டதைக் கண்டித்து, சக பணியாளர்கள் காவல் நிலையத்தை முற்றுகையிட்ட சம்பவம் இன்று பெரும் பரபரப்பை ஏற்படுத்தியது.

தூத்துக்குடி பேரூரணி பகுதியைச் சேர்ந்த சித்திரை செல்வம், தூத்துக்குடி மாநகராட்சியில் தூய்மை வாகன ஓட்டுநராகப் பணியாற்றி வருகிறார். இன்று காலை அவர் தனது குழுவினருடன் சேது ராஜா தெரு பகுதியில் தூய்மைப் பணியில் ஈடுபட்டிருந்தார். அப்போது அங்கு வசிக்கும் நவீன் என்பவர், தனது வீட்டின் அருகே உள்ள மண்ணை அள்ளுமாறு கூறியுள்ளார்.

இதற்கு ஓட்டுநர் சித்திரை செல்வம், "உயரதிகாரிகளிடம் அனுமதி பெற்ற பின்னரே மண்ணை அள்ள முடியும்" என்று பதிலளித்துள்ளார். இதில் ஆத்திரமடைந்த நவீன், சித்திரை செல்வத்தைத் தகாத வார்த்தைகளால் பேசி, பிளாஸ்டிக் குழாயால் பலமாகத் தாக்கியதோடு கொலை மிரட்டலும் விடுத்துள்ளார்.

தாக்குதல் குறித்துத் தகவல் அறிந்த 20-க்கும் மேற்பட்ட தூய்மை வாகன ஓட்டுநர்கள் மற்றும் பணியாளர்கள், தங்களது வாகனங்களுடன் வடபாகம் காவல் நிலையத்தை முற்றுகையிட்டனர். பணியில் இருந்த அரசு ஊழியரைத் தாக்கிய நவீன் மீது உரிய நடவடிக்கை எடுக்க வேண்டும் என வலியுறுத்தி அவர்கள் புகார் மனு அளித்தனர்.

பணியாளர்களின் புகாரைத் தொடர்ந்து, உடனடியாகச் செயல்பட்ட வடபாகம் காவல்துறையினர் நவீன் மீது வழக்குப் பதிவு செய்து அவரைக் கைது செய்தனர். அவரிடம் மேலதிக விசாரணை நடைபெற்று வருகிறது. பாதுகாப்பான சூழலில் பணிபுரிய வலியுறுத்தி தூய்மைப் பணியாளர்கள் நடத்திய இந்தப் போராட்டத்தால் அப்பகுதியில் சிறிது நேரம் போக்குவரத்து பாதிப்பும், பரபரப்பும் நிலவியது.

மக்கள் கருத்து

BabuFeb 14, 2026 - 08:33:07 AM | Posted IP 162.1*****

vandi oturavangalum fst orama nikanum nadu road la school time la ninnutu idanjal pna kodathu nu athikarikal solanum

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

தூத்துக்குடியில் தூய்மைப் பணியாளர் மீது தாக்குதல் : காவல் நிலையம் முற்றுகை!

» செய்திகள் - விளையாட்டு » மாவட்ட செய்தி (கன்னியாகுமரி)