» செய்திகள் - விளையாட்டு » மாவட்ட செய்தி (கன்னியாகுமரி)
சிலம்பு எக்ஸ்பிரசை தினசரி ரயிலாக மாற்ற வேண்டும்: மத்திய அமைச்சரிடம் தென்காசி எம்.பி. கோரிக்கை!
வியாழன் 12, பிப்ரவரி 2026 12:02:53 PM (IST)
சிலம்பு எக்ஸ்பிரசை தினசரி ரயிலாக மாற்ற வேண்டும் என்று மத்திய ரயில்வே அமைச்சரை நேரில் சந்தித்து தென்காசி எம்.பி. ராணி ஸ்ரீகுமார் கோரிக்கை மனு அளித்துள்ளார்.
செங்கோட்டை - தாம்பரம் இடையேயான சிலம்பு எக்ஸ்பிரஸ் ரயிலை தினசரி சேவையாக மாற்ற வேண்டும் உள்ளிட்ட பல்வேறு கோரிக்கைகளை வலியுறுத்தி, தென்காசி நாடாளுமன்ற உறுப்பினர் டாக்டர் ராணி ஸ்ரீகுமார், மத்திய ரயில்வே அமைச்சர் அஸ்வினி வைஷ்ணவை நேரில் சந்தித்து மனு அளித்தார்.
மத்திய அமைச்சர் அஸ்வினி வைஷ்ணவிடம் அவர் அளித்துள்ள கோரிக்கை மனுவில் "தற்போது செங்கோட்டை - தாம்பரம் இடையே வாரத்திற்கு மூன்று நாட்கள் மட்டும் இயக்கப்படும் சிலம்பு எக்ஸ்பிரஸ் ரயிலை, பொதுமக்கள் வசதிக்காக தினசரி சேவையாக மாற்ற வேண்டும்.
கோயம்புத்தூரிலிருந்து மதுரை வரை இயக்கப்படும் மதுரை இண்டர்சிட்டி எக்ஸ்பிரஸ் ரயிலைச் செங்கோட்டை வரை நீட்டிக்க வேண்டும். சென்னை - கொல்லம் எக்ஸ்பிரஸ் ரயிலுக்கு பாம்புகோவில் சந்தை ரயில் நிலையத்தில் கூடுதல் நிறுத்தம் வழங்க வேண்டும்.
சென்னை - செங்கோட்டை இடையே புதிய வந்தே பாரத் ரயில் சேவையை அறிமுகப்படுத்த வேண்டும். பொதிகை எக்ஸ்பிரஸ் ரயில் சென்னையிலிருந்து புறப்படும் நேரத்தைப் பழைய கால அட்டவணைப்படியே மாற்றி அமைக்க வேண்டும்.
தென்காசி மாவட்டம் திப்பணம்பட்டி ரயில்வே கேட் பகுதியில் ரயில்வே சுரங்கப்பாதை அமைக்க நடவடிக்கை எடுக்க வேண்டும். என்று கோரிக்கை விடுத்துள்ளார். இந்தக் கோரிக்கைகளை கனிவுடன் பரிசீலிப்பதாக மத்திய அமைச்சர் அஸ்வினி வைஷ்ணவ் உறுதியளித்துள்ளார்.
மக்கள் கருத்து
மேலும் தொடரும் செய்திகள்
கேரளாவில் முழு அடைப்பு: தமிழகப் பேருந்துகள் எல்லையில் நிறுத்தம் - பொதுமக்கள் அவதி!
வியாழன் 12, பிப்ரவரி 2026 3:12:37 PM (IST)
அம்ரித் பாரத் எக்ஸ்பிரஸ் நேரத்தை மாற்ற வேண்டும் : பயணிகள் சங்கம் கோரிக்கை!
வியாழன் 12, பிப்ரவரி 2026 12:14:10 PM (IST)
நாகர்கோவில் - பெங்களூர் ரயில் இயக்கி 12 வருடங்கள் நிறைவு :மேலும் ஒரு ரயில் வருமா...?
செவ்வாய் 10, பிப்ரவரி 2026 4:56:53 PM (IST)
டாஸ்மார்க் கதாநாயகர்களை வீட்டுக்கு அனுப்புவோம்: குமரி மாவட்ட பாஜக பரபரப்பு போஸ்டர்!
செவ்வாய் 10, பிப்ரவரி 2026 4:25:18 PM (IST)
தூத்துக்குடியில் வாலிபருக்கு கத்திக்குத்து: 2பேர் கைது!
செவ்வாய் 10, பிப்ரவரி 2026 7:59:21 AM (IST)
வெள்ளமடம் அருகே கார் - ஆட்டோ பயங்கர மோதல்: தாய், மகன் உயிரிழப்பு!
திங்கள் 9, பிப்ரவரி 2026 8:33:40 PM (IST)
விளவங்கோடு அருகே கோர விபத்து : வேன் மோதி இளைஞர் உயிரிழப்பு!
திங்கள் 9, பிப்ரவரி 2026 3:33:07 PM (IST)
