பனை மரத்தில் இருந்து தவறி விழுந்து முதியவர் பலி

தூத்துக்குடி மாவட்டம் சூரங்குடி அருகில் உள்ள வடக்குசெவல் கிராமத்தைச் சேர்ந்தவர் துரைசாமி மகன் ராமச்சந்திரன் (62). பனைத் தொழில் செய்து வருகிறார். இன்று காலை அங்குள்ள தோட்டத்தில் உள்ள பனை மரத்தில் ஏறி பதநீர் இறக்கும்போது எதிர்பாராத விதமாக கால் தவறி கீழே விழுந்து படுகாயம் அடைந்தார். 

அவரை அங்கிருந்தவர்கள் மீட்டு ஆட்டோ மூலம் சூரங்குடி அரசு ஆரம்ப சுகாதார நிலையத்திற்கு கொண்டு சென்றனர். அவரை பரிசோதித்த டாக்டர், அவர் ஏற்கனவே இறந்து விட்டதாக தெரிவித்தார். இதுகுறித்து தகவல் அறிந்து சூரங்குடி காவல் நிலைய சப் இன்ஸ்பெக்டர் சிலுவை அந்தோணி சம்பவ இடத்திற்கு சென்று ராமச்சந்திரன் உடலை பரிசோதனைக்காக விளாத்திகுளம் அரசு மருத்துவமனைக்கு அனுப்பி வைத்தார். மேலும் இது சம்பந்தமாக வழக்குப் பதிந்து  விசாரணை நடத்தி வருகிறார்.