» செய்திகள் - விளையாட்டு » மாவட்ட செய்தி (கன்னியாகுமரி)
அருமனை அருகே நர்சிங் மாணவி திடீர் மரணம் : போலீசார் விசாரணை
வெள்ளி 28, மார்ச் 2025 8:18:56 PM (IST)
அருமனை அருகே நர்சிங் மாணவி திடீரென இறந்த சம்பவம் அப்பகுதியில் பரபரப்பை ஏற்படுத்தி உள்ளது.
குமரி மாவட்டம், அருமனை அருகே பிலாக்காடு, சூட்டூர்கோ ணம் பகுதியை சேர்ந்தவர் ரமேஷ். இவரது மகள் ராஷிகா (18). இவர் தலக்குளம் பகுதியில் உள்ள கல்லூரி ஒன்றில் நர்சிங் முதலாம் ஆண்டு விடுதியில் தங்கி பயின்று வந்தார். இந்நிலையில் ராஷிகாவுக்கு கடந்த ஒரு வாரத்திற்கு முன்னதாக தலைவலி ஏற்பட்டு வாந்தியும் இருந்ததாக தெரிகிறது. இதைத்தொ டர்ந்து ராஷிகா தனது வீட்டுக்கு வந்து பெற்றோரிடம் நிலைமையை கூறியுள்ளார்.
இதையடுத்து ராஷிகாவை பெற்றோர்கள் திருவனந்தபுரத்தில் உள்ள ஒரு மருத்துவமனைக்கு அழைத்து சென்றனர். அங்கு ராஷிகாவை பரிசோதனை செய்த டாக்டர்கள் அவருக்கு நோய்கள் எதுவும் இல்லை என கூறி வீட்டிற்கு அனுப்பி வைத்தனர். இந்நிலையில் வழக்கம்போல் நேற்று இரவு சாப்பாடு முடிந்து ராஷிகா தூங்கி உள்ளார். இன்று காலையில் ராஷிகா எந்த அசைவும் இல்லாமல் மயங்கிய நிலையில் இருந்தார்.
உடனடியாக அவரை பெற்றோர்கள் மீட்டு குலசேகரம் தனியார் மருத்துவ கல்லூரி மருத்துவமனைக்கு கொண்டு சென்றனர். அங்கு ராஷிகாவை பரிசோதித்த மருத்துவர்கள் அவர் இறந்துவிட்டதாக கூறியுள்ளனர். இதனை அறிந்த ராஷிகாவின் பெற்றோர் அதிர்ச்சியடைந்தனர். இது தொடர்பாக அருமனை போலீசாருக்கு தகவல் தெரிவிக்கப்பட்டது. இந்த சம்பவம் குறித்து போலீசார் விசாரணை நடத்தி வருகிறார்கள். நர்சிங் மாணவி திடீரென இறந்த சம்பவம் அப்பகுதியில் பரபரப்பை ஏற்படுத்தி உள்ளது.
மக்கள் கருத்து
மேலும் தொடரும் செய்திகள்

சொத்து மதிப்பு சான்று வழங்க ரூ.3ஆயிரம் லஞ்சம் : கிராம நிர்வாக அலுவலர், உதவியாளர் கைது!
புதன் 2, ஏப்ரல் 2025 4:46:47 PM (IST)

குமரி மாவட்டத்தில் வளர்ச்சி திட்ட பணிகள்: ஆட்சியர் ஆர்.அழகுமீனா ஆய்வு
புதன் 2, ஏப்ரல் 2025 3:19:25 PM (IST)

கூட்டுறவு பண்டகச்சாலை குடோனில் ஆட்சியர் திடீர் ஆய்வு
செவ்வாய் 1, ஏப்ரல் 2025 3:26:14 PM (IST)

தோவாளை மாணிக்க மாலைக்கு புவிசார் குறியீடு: மத்திய அரசு அறிவிப்பு!
செவ்வாய் 1, ஏப்ரல் 2025 12:52:35 PM (IST)

பத்துகாணி மலைவாழ் மக்களின் வசதிக்காக இலவச ஆம்புலன்ஸ் சேவை துவக்கம்
செவ்வாய் 1, ஏப்ரல் 2025 12:18:42 PM (IST)

கேரள முதல்வர் பினராயி விஜயன் குமரி வருகை : ஆட்சியர் ஆர்.அழகுமீனா வரவேற்பு
செவ்வாய் 1, ஏப்ரல் 2025 12:07:52 PM (IST)
