சுற்றுலா வாகனங்களில் பள்ளி குழந்தைகளை ஏற்றிச் செல்ல தடை - ஆட்சியருக்கு கோரிக்கை!

இது தொடர்பாக இந்து மக்கள் கட்சி மாவட்ட அமைப்பாளர்  சுடலைமணி என்பவர் தூத்துக்குடி மாவட்ட ஆட்சியருக்கு விடுத்துள்ள கோரிக்கை மனு: தூத்துக்குடி பகுதியில் அதிகப்படியான சுற்றுலா வாகனங்கள் சுற்றுலா அனுமதி பெற்று இயங்கி வருகிறது. 

அதில் மோட்டார் வாகன சட்ட விதிகளுக்கு எதிராக MAXI, CAB, VAN வகையை சார்ந்த சுற்றுலா (TOUR PERMIT) அனுமதியை பெற்றுக்கொண்டு சட்ட விரோதமாக பள்ளி குழந்தைகளை அதிகமாக ஏற்றியும், பள்ளி அனுமதி வாகனத்திற்கு முறையாக அனுமதி பெறாமலும், தனியார் நிறுவனங்களில் பணிபுரியும் பணியாளர்களை ஏற்றியும் பணியாளர் வாகனத்திற்கு முறையாக அனுமதி பெறாமல் பயன்படுத்துகின்றனர். 

அதுபோல MAXI CAB VAN நிறுவனங்களில் தயாரித்து வரும் உருவமைப்பை (COMPANY BODY) மாற்றி தாங்களாகவே கோச் பாடி (COACH BODY) கட்டுகின்றனர். கோச் பாடி கட்டுவதற்கு முறையாக அனுமதி பெறாமலும், வெள்ளை நிற பதிவெண் (OWN BOARD) கொண்ட வாகனங்களை சுற்றுலா செல்வதற்கு வாடகைக்கு விட்டும் பள்ளி குழந்தைகளையும் ஏற்றியும் சட்ட விரோதமாக செயல்படுகின்றனர். அப்படி இயங்குகின்ற வாகனங்களில் (TAX, PERMIT, F.C, INSURANCE, LICENSE) போன்றவை இல்லை.

ஆகவே, மாவட்ட ஆட்சியர் தலையீட்டு, இந்த விசயத்தில் ஒரு குழு அமைத்து முறையாக ஆய்வு செய்து, (TOUR PERMIT) சுற்றுலா அனுமதி பெற்று இயங்கும் MAXI, CAB, VAN மற்றும் OWN BOARD வாகனங்களை முறையாக ஆய்வு செய்தும், மோட்டார் வாகன சட்ட விதிகளுக்கு எதிராக இயங்கி வரும் வாகனங்களை பறிமுதல் செய்து வாகன அனுமதியினை ரத்து செய்யுமாறும். பள்ளி குழந்தைகள், பணியாளர்கள் மற்றும் சுற்றுலா பயணிகளின் உயிரினை காக்குமாறும் கேட்டுக் கொள்கிறோம் என்று தெரிவித்துள்ளார்.