நவதிருப்பதி கோவில்களில் புரட்டாசி 3வது சனி சிறப்பு வழிபாடு : பக்தர்கள் கூட்டம் அலைமோதியது

» செய்திகள் - விளையாட்டு » மாவட்ட செய்தி (கன்னியாகுமரி)

நவதிருப்பதி கோவில்களில் புரட்டாசி 3வது சனி சிறப்பு வழிபாடு : பக்தர்கள் கூட்டம் அலைமோதியது

ஞாயிறு 6, அக்டோபர் 2024 9:39:33 AM (IST)

புரட்டாசி 3-வது சனிக்கிழமையான நேற்று நவதிருப்பதி கோவில்களில் சிறப்பு வழிபாடு நடந்தது. திரளான பக்தர்கள் நீண்ட வரிசையில் நின்று சாமி தரிசனம் செய்தனர்.

புரட்டாசி மாத 3-வது சனிக்கிழமையையொட்டி, 108 வைணவ திவ்ய தேசங்களில் முக்கிய தலங்களாகவும், தூத்துக்குடி மாவட்டத்தில் தாமிரபரணி ஆற்றங்கரையில் நவதிருப்பதி தலங்களாகவும் விளங்குகின்ற ஸ்ரீவைகுண்டம் கள்ளபிரான் சுவாமி கோவில், நத்தம் விஜயாசன பெருமாள் கோவில், திருப்புளியங்குடி காய்சினிவேந்த பெருமாள் கோவில்,

இரட்டை திருப்பதி தேவர்பிரான், அரவிந்தலோசனார் பெருமாள் கோவில், பெருங்குளம் மாயக்கூத்தர் கோவில், தென்திருப்பேரை மகரநெடுங்குழைக்காதர் கோவில், திருக்கோளூர் வைத்தமாநிதி பெருமாள் கோவில், ஆழ்வார்திருநகரி ஆதிநாதர் ஆழ்வார் கோவில் ஆகியவற்றில் நேற்று அதிகாலை முதலே திரளான பக்தர்கள் நீண்ட வரிசையில் நின்று சாமி தரிசனம் செய்தனர்.

பெண்கள் நெய்விளக்கு ஏற்றி வழிபட்டனர். பள்ளிகளில் காலாண்டு தேர்வு விடுமுறை விடப்பட்டுள்ளதால் ஏராளமானவர்கள் குடும்பத்துடன் கோவில்களுக்கு சென்று வழிபட்டனர். இதனால் கோவில்களில் பக்தர்கள் கூட்டம் அலைமோதியது. நவதிருப்பதி கோவில்களில் சுவாமிகள் ஊர்வலத்துக்கு பயன்படுத்தும் திருக்குடைகளை வழங்கும் நிகழ்ச்சி, ஸ்ரீவைகுண்டம் கள்ளபிரான் சுவாமி கோவில் வளாகத்தில் நேற்று அதிகாலையில் நடந்தது.

இதில் ஆழ்வார்திருநகரி எம்பெருமானார் ஜீயர் கலந்து கொண்டு 2 திருக்குடைகளை வழங்கினார். தொடர்ந்து நடைபயணமாக மற்ற கோவில்களுக்கும் சென்று திருக்குடைகளை வழங்கினார். கடைசி தலமான ஆழ்வார்திருநகரி ஆதிநாதர் கோவிலுக்கு சுவாமி நம்மாழ்வாருக்கு உள்பட நான்கு திருக்குடைகள் வழங்கப்பட்டது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

நவதிருப்பதி கோவில்களில் புரட்டாசி 3வது சனி சிறப்பு வழிபாடு : பக்தர்கள் கூட்டம் அலைமோதியது

» செய்திகள் - விளையாட்டு » மாவட்ட செய்தி (கன்னியாகுமரி)