» செய்திகள் - விளையாட்டு » இந்தியா
வணிக பயன்பாட்டுக்கான எரிவாயு சிலிண்டா் விலை ரூ.16 அதிகரிப்பு: ரூ.1,980-க்கு விற்பனை!
திங்கள் 2, டிசம்பர் 2024 10:40:51 AM (IST)
வணிக பயன்பாட்டுக்கான எரிவாயு சிலிண்டா் விலை ரூ.16.5 அதிகரிக்கப்பட்டுள்ளது. இதைத் தொடா்ந்து சென்னையில் சிலிண்டா் விலை ரூ.1,980- என விற்பனையாகிறது.
மத்திய அரசுக்குச் சொந்தமான இந்தியன் ஆயில் காா்ப்பரேஷன், பாரத் பெட்ரோலியம் காா்ப்பரேஷன், ஹிந்துஸ்தான் பெட்ரோலியம் காா்ப்பரேஷன் ஆகியவை சமையல் எரிவாயு மற்றும் விமான எரிபொருள் விலையை சா்வதேச நிலவரத்துக்கு ஏற்ப மாதந்தோறும் ஒன்றாம் தேதி மாற்றியமைத்து வருகின்றன.
அந்த வகையில், தொடா்ந்து 5-ஆவது மாதமாக ஹோட்டல்கள், உணவகங்களில் பயன்படுத்தப்படும் சிலிண்டரின் விலை அதிகரிக்கப்பட்டுள்ளது. 19 கிலோ எடை கொண்ட அந்த வகை சிலிண்டா் ஒன்றின் விலை ரூ.16.5 உயா்த்தப்பட்டுள்ளது.
இந்த விலை உயா்வைத் தொடா்ந்து சென்னையில் வணிக சிலிண்டா் விலை ரூ.1,980-ஆகவும், மும்பையில் ரூ.1,771-ஆகவும், கொல்கத்தாவில் ரூ.1,927-ஆகவும் உயா்ந்துள்ளது. கடந்த 5 மாதங்களில் மட்டும் வணிக சிலிண்டரின் விலை ரூ.172.5 உயா்த்தப்பட்டுள்ளது. அதேவேளையில், வீடுகளில் பயன்படுத்தப்படும் 14.2 கிலோ எடைகொண்ட சிலிண்டா்களின் விலை இம்மாதமும் மாற்றமின்றி ரூ.803-ஆக தொடா்கிறது.
இதேபோல விமான எரிபொருள் விலை கிலோ லிட்டருக்கு ரூ.1,318.12 அதிகரிக்கப்பட்டுள்ளது. இதையடுத்து ஒரு கிலோ லிட்டா் விமான எரிபொருளின் விலை சென்னையில் ரூ.95,231, தில்லியில் ரூ.91,856, மும்பையில் ரூ.85,861-ஆக உயா்ந்துள்ளது.
கடந்த நவம்பா் 1-ஆம் தேதி விமான எரிபொருள் விலை கிலோ லிட்டருக்கு ரூ.2,941.5 உயா்த்தப்பட்ட நிலையில், தொடா்ந்து 2-ஆவது மாதமாக இம்முறையும் விலை அதிகரிக்கப்பட்டுள்ளது.
மக்கள் கருத்து
மேலும் தொடரும் செய்திகள்
டிஜிட்டல் பணப்பரிவர்த்தனை செய்வதற்கு முன் 2 முறை சரிபார்க்கவும்: ரிசர்வ் வங்கி அறிவிப்பு
சனி 29, ஆகஸ்ட் 2026 5:29:42 PM (IST)
அன்பையும், நல்லிணக்கத்தையும் வலுப்படுத்தும் ரக்ஷா பந்தன் : பிரதமர் மோடி வாழ்த்து
வெள்ளி 28, ஆகஸ்ட் 2026 11:38:17 AM (IST)
பான் மசாலா விளம்பர விவகாரம்: ஷாருக் கான் உள்பட 3 பாலிவுட் நடிகர்களுக்கு எஃப்டிஏ கெடு!
வியாழன் 27, ஆகஸ்ட் 2026 5:18:56 PM (IST)
ஆந்திராவில் கோர விபத்து: ஆட்டோ மீது பஸ் மோதி 7 பேர் பலி; 4 குழந்தைகள் உள்பட 8பேர் படுகாயம்!
வியாழன் 27, ஆகஸ்ட் 2026 5:05:07 PM (IST)
கேரளாவின் பெயர் அதிகாரப்பூர்வமாக மாற்றம்: உள்துறை அமைச்சகம் அரசாணை வெளியீடு!
புதன் 26, ஆகஸ்ட் 2026 4:01:24 PM (IST)
இந்தியாவின் சிறந்த முதலமைச்சர்கள் பட்டியலில் மு.க.ஸ்டாலின் - சி.ஜே.பி. தலைவர் பேட்டி!
புதன் 26, ஆகஸ்ட் 2026 3:28:06 PM (IST)
தெலங்கானாவில் லாரி மீது பேருந்து மோதி கோர விபத்து: 6 பேர் உயிரிழப்பு - 12பேர் காயம்!
புதன் 26, ஆகஸ்ட் 2026 12:11:15 PM (IST)
Sponsored Ads
