» செய்திகள் - விளையாட்டு » தமிழகம்
சகாயம் ஐ.ஏ.எஸ்.க்கு துப்பாக்கி ஏந்திய போலீஸ் பாதுகாப்பு: சென்னை உயர்நீதிமன்றம் உத்தரவு!
திங்கள் 27, ஜூலை 2026 4:44:50 PM (IST)
ஓய்வுபெற்ற ஐ.ஏ.எஸ். அதிகாரி சகாயத்திற்கு உடனடியாகத் துப்பாக்கி ஏந்திய காவல்துறை பாதுகாப்பு வழங்க வேண்டும் என்று தமிழ்நாடு டி.ஜி.பி.க்கு சென்னை உயர்நீதிமன்றம் உத்தரவிட்டுள்ளது.
ஓய்வுபெற்ற ஐ.ஏ.எஸ். அதிகாரி சகாயம், நாமக்கல் மற்றும் மதுரை மாவட்டங்களில் ஆட்சியராகவும், தமிழக அரசின் பல்வேறு துறைகளில் உயர் அதிகாரியாகவும் பணியாற்றியவர். உயர்நீதிமன்ற உத்தரவின்படி நீதிமன்ற ஆணையராகச் செயல்பட்டு, மதுரையில் நடைபெற்ற மாபெரும் கிரானைட் குவாரி ஊழலை வெளிக்கொண்டு வந்தவர் என்பது குறிப்பிடத்தக்கது.
பாதுகாப்பு விலக்கப்பட்டதால் மனு:
கிரானைட் ஊழல் தொடர்பான வழக்கு விசாரணைகளின் போது தனது உயிருக்கு அச்சுறுத்தல் இருப்பதாகக் கூறி, பாதுகாப்பு கோரி அவர் சார்பில் சென்னை உயர்நீதிமன்றத்தில் மனுத்தாக்கல் செய்யப்பட்டது.
இம்மனு விசாரணைக்கு வந்தபோது, "எவ்வித முன்அறிவிப்பும் இன்றித் தனக்கு வழங்கப்பட்டு வந்த காவல்துறை பாதுகாப்பு திடீரென விலக்கிக் கொள்ளப்பட்டுள்ளது" எனச் சகாயம் தரப்பில் தெரிவிக்கப்பட்டது.
இதற்குப் பதிலளித்த காவல்துறை தரப்பு வழக்கறிஞர், "பாதுகாப்பு கோரி மனுதாரர் அளித்த விண்ணப்பம், அதுதொடர்பான மறுஆய்வுக் குழுவின் பரிசீலனையில் உள்ளது" எனத் தெரிவித்தார்.
இருதரப்பு வாதங்களையும் கேட்ட நீதிபதி, ஓய்வுபெற்ற ஐ.ஏ.எஸ். அதிகாரி சகாயத்திற்குத் துப்பாக்கி ஏந்திய காவல்துறை பாதுகாப்பை உடனடியாக வழங்க வேண்டும் எனத் தமிழ்நாடு சட்டம்-ஒழுங்கு டி.ஜி.பி.க்கு உத்தரவிட்டு, வழக்கினை முடித்து வைத்தார்.
மக்கள் கருத்து
மேலும் தொடரும் செய்திகள்
ஸ்கூட்டரில் சென்றவர் மீது திமுகவினர் சரமாரித் தாக்குதல்: திருநெல்வேலியில் பரபரப்பு!
செவ்வாய் 4, ஆகஸ்ட் 2026 5:46:05 PM (IST)
முதலமைச்சர் விஜய், தனது பொறுப்பை உணர்ந்து இனியாவது செயல்பட வேண்டும்: மு.க.ஸ்டாலின்
செவ்வாய் 4, ஆகஸ்ட் 2026 5:28:22 PM (IST)
உதயநிதி ஸ்டாலினை இன்றே விடுவிக்க வேண்டும்: சென்னை உயர் நீதிமன்றம் அதிரடி உத்தரவு!
செவ்வாய் 4, ஆகஸ்ட் 2026 3:58:35 PM (IST)
தூத்துக்குடியில் திமுகவினர் சாலை மறியல்: கீதா ஜீவன் உட்பட நூற்றுக்கணக்கானோர் கைது!
செவ்வாய் 4, ஆகஸ்ட் 2026 12:06:08 PM (IST)
யாகாவராயினும் நா காக்க.... உதயநிதி ஸ்டாலின் பேச்சுக்கு வைகோ கண்டனம்!
செவ்வாய் 4, ஆகஸ்ட் 2026 11:54:25 AM (IST)
மக்களுக்கு நிறைய செய்யுங்கள் என ரஜினிகாந்த் வாழ்த்தினார்: அமைச்சர் வன்னி அரசு தகவல்!
செவ்வாய் 4, ஆகஸ்ட் 2026 11:50:17 AM (IST)
பெண் வன்கொடுமை தடுப்புச் சட்டத்தில் உதயநிதி கைது: தமிழக அரசியலில் பெரும் பரபரப்பு!
செவ்வாய் 4, ஆகஸ்ட் 2026 11:17:10 AM (IST)
Sponsored Ads
