போதைப்பொருட்களை வைத்திருந்த இளைஞர் கைது: போலீசாரை மிரட்டித் தற்கொலை முயற்சி!

» செய்திகள் - விளையாட்டு » தமிழகம்

போதைப்பொருட்களை வைத்திருந்த இளைஞர் கைது: போலீசாரை மிரட்டித் தற்கொலை முயற்சி!

சனி 13, ஜூன் 2026 8:17:56 AM (IST)

கோவில்பட்டியில் கஞ்சா மற்றும் மெத்தம்பேட்டமைன் போன்ற போதைப் பொருட்களை வைத்திருந்த வாலிபரை போலீசார் கைது செய்தனர்.

தூத்துக்குடி மாவட்டம், கோவில்பட்டி மந்திதோப்பு சாலையில் போதைப்பொருட்கள் விற்பனை நடைபெறுவதாகக் கோவில்பட்டி மேற்கு காவல் நிலையத்திற்குக் ரகசியத் தகவல் கிடைத்தது. அதன் பேரில், கடந்த வியாழக்கிழமை இரவு காவல் உதவி ஆய்வாளர் நியூட்டன் ஜெபராஜ் தலைமையில் போலீசார் அப்பகுதியில் தீவிர ரோந்துப் பணியில் ஈடுபட்டனர்.

அப்போது, மந்திதோப்பு சாலை இந்திரா காலனியில் உள்ள ஒரு திருமண மண்டபம் அருகே நின்று கொண்டிருந்த வாலிபர் ஒருவர், ரோந்து வந்த போலீசாரைக் கண்டதும் தப்பியோட முயன்றார். போலீசார் அவரைச் சுற்றி வளைத்தபோது, அவர் போலீசாரை அவதூறாகப் பேசி, தான் மறைத்து வைத்திருந்த கத்தியை எடுத்து மிரட்டல் விடுத்துள்ளார்.

இருப்பினும், போலீசார் அவரை அதிரடியாகப் பிடித்துச் சோதனையிட்டு விசாரணை நடத்தினர். அதில், அவர் கோவில்பட்டி துளசிங்க நகர் பகுதியைச் சேர்ந்த தங்கராஜ் மகன் விக்னேஸ்வரன் (29) என்பது தெரியவந்தது. மேலும், அவரிடமிருந்து விற்பனைக்காக மறைத்து வைக்கப்பட்டிருந்த சுமார் 150 கிராம் கஞ்சா மற்றும் 20 கிராம் மெத்தம்பேட்டமைன் ஆகிய போதைப்பொருட்களைப் போலீசார் பறிமுதல் செய்தனர்.

இதையடுத்து, அவரை போலீசார் காவல் நிலையத்திற்கு அழைத்துச் செல்ல முயன்றபோது, விக்னேஸ்வரன் திடீரென தரையில் கிடந்த கல்லை எடுத்துத் தனது நெற்றியில் பலமாகத் தாக்கித் தற்கொலைக்கு முயன்றார். இதில் காயமடைந்த அவரை மீட்ட போலீசார், உடனடியாகக் கோவில்பட்டி அரசு மருத்துவமனையில் சிகிச்சைக்காக அனுமதித்தனர்.

சிகிச்சைக்குப் பின், இச்சம்பவம் குறித்துக் கோவில்பட்டி மேற்கு காவல் நிலைய போலீசார் விக்னேஸ்வரன் மீது பல்வேறு பிரிவுகளின் கீழ் வழக்குப் பதிவு செய்து, அவரை நேற்று கைது செய்து சிறையில் அடைத்தனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

போதைப்பொருட்களை வைத்திருந்த இளைஞர் கைது: போலீசாரை மிரட்டித் தற்கொலை முயற்சி!

» செய்திகள் - விளையாட்டு » தமிழகம்