சனாதன ஒழிப்பு பேச்சுக்கு எதிர்ப்பு: உதயநிதி ஸ்டாலினைக் கண்டித்து பா.ஜ.க.ஆர்ப்பாட்டம்!

"சனாதன தர்மத்தை ஒழிப்பேன்" என்று பேசிய தி.மு.க. துணைப் பொதுச்செயலாளரும், சட்டமன்ற எதிர்க்கட்சித் தலைவருமான உதயநிதி ஸ்டாலினைக் கண்டித்து, மதுரை பழங்காநத்தத்தில் பா.ஜ.க. சார்பில் கண்டனப் பிரம்மாண்ட ஆர்ப்பாட்டம் நடைபெற்றது.

சனாதன தர்மத்திற்கு எதிராகத் தொடர்ந்து அவதூறுகளைப் பரப்பி வரும் தி.மு.க. மற்றும் சட்டமன்ற எதிர்க்கட்சித் தலைவர் உதயநிதி ஸ்டாலினைக் கண்டித்து, மதுரை பழங்காநத்தம் பகுதியில் பா.ஜ.க.வினர் திரண்டு கண்டன ஆர்ப்பாட்டத்தில் ஈடுபட்டனர். ஆர்ப்பாட்டத்தின் போது, தி.மு.க. மற்றும் உதயநிதி ஸ்டாலினின் பேச்சுக்கு எதிராகவும், சனாதன தர்மத்தைப் போற்றியும் பா.ஜ.க. தொண்டர்கள் மற்றும் ஆன்மீக அமைப்பினர் கண்டன முழக்கங்களை எழுப்பியதால் அப்பகுதியில் பெரும் பரபரப்பு நிலவியது.