தமிழ்நாடு மெர்க்கன்டைல் வங்கியின் புதிய கிளை திறப்பு விழா

கோயம்புத்தூர் காரமடையில் தமிழ்நாடு மெர்க்கன்டைல் வங்கியின் புதிய கிளை திறப்பு விழா நடைபெற்றது. 

தூத்துக்குடியைத் தலைமையிடமாகக் கொண்டு நூறாண்டுகளுக்கும் மேலாகச் செயல்பட்டு வரும் இந்தியாவின் முன்னணி தனியார் துறை வங்கியான தமிழ்நாடு மெர்க்கன்டைல் வங்கி (TMB), தனது விரிவாக்க நடவடிக்கைகளின் ஒரு பகுதியாகக் கோயம்புத்தூர் மாவட்டம் காரமடையில் புதிய கிளையைத் தொடங்கியுள்ளது.

வளர்ச்சிப் பாதையில் வங்கி

வங்கியின் 2026 நிதியாண்டின் மூன்றாம் காலாண்டு (Q3 FY26) அறிக்கையின்படி, வங்கியின் செயல்பாடுகள் சிறப்பான வளர்ச்சியை எட்டியுள்ளன. மொத்த வணிகம் ஆண்டு அடிப்படையில் 14.28% வளர்ச்சி கண்டு ₹1,07,470 கோடியாக உயர்ந்துள்ளது. கடன்கள் 16.30% வளர்ச்சியுடன் ₹50,763 கோடியாக அதிகரித்துள்ளது. வைப்பு நிதி 12.53% வளர்ச்சியுடன் ₹56,707 கோடியாக உயர்ந்துள்ளது.

தற்போது இந்த வங்கி இந்தியா முழுவதும் 17 மாநிலங்கள் மற்றும் 4 ஒன்றிய பிரதேசங்களில், 619 கிளைகள் மற்றும் 12 மண்டல அலுவலகங்கள் வாயிலாக 53 லட்சத்திற்கும் மேற்பட்ட வாடிக்கையாளர்களுக்குச் சிறப்பான சேவையை வழங்கி வருகிறது.

புதிய கிளை திறப்பு குறித்து வங்கியின் மேலாண்மை இயக்குநர் மற்றும் தலைமைச் செயல் அதிகாரி சலீ எஸ். நாயர் கூறுகையில்: அதிக வளர்ச்சித் திறன் கொண்ட சந்தைகளில் வங்கியின் நிலையை உறுதிப்படுத்தும் ஒரு முயற்சியே இந்த விரிவாக்கமாகும். விவசாயம் மற்றும் சிறு, குறு தொழில்கள் (MSME) நிறைந்த இப்பகுதிகளில் முறையான வங்கிச் சேவைகளை வழங்குவதன் மூலம் உள்ளூர் பொருளாதார வளர்ச்சிக்கு உறுதுணையாக இருப்பதே எங்களது நோக்கம் என்று தெரிவித்தார்."

இந்த புதிய கிளை, கோயம்புத்தூர் மாவட்டம், மேட்டுப்பாளையம் தாலுகா, காரமடை, L ரத வீதி (S.F.No: 863/42B, 863/44) என்ற முகவரியில் அமைந்துள்ளது. இங்குச் சேமிப்பு மற்றும் நடப்புக் கணக்குகள், வைப்பு நிதிகள் மற்றும் பல்வேறு கடன் திட்டங்கள் உள்ளிட்ட அனைத்து நவீன வங்கிச் சேவைகளும் பொதுமக்களுக்குக் கிடைக்கும். கூடுதல் தகவல்களுக்கு வங்கியின் அதிகாரப்பூர்வ இணையதளமான www.tmb.in என்ற முகவரியைத் தொடர்பு கொள்ளலாம்.