போட்டித் தேர்வுகளுக்கு கட்டணமில்லா பயிற்சி வகுப்புகள்: ஆட்சியர் தகவல்!

மத்திய அரசு பணியாளர் தேர்வாணையத்தின் (SSC/IBPS/ரயில்வே) மற்றும் தமிழ்நாடு அரசுப் பணியாளர் தேர்வாணையத்தின் குரூப்-I, II, IIA, IV தேர்வுகளுக்கான கட்டணமில்லா பயிற்சி வகுப்பு நடைபெற உள்ளது.,

இது குறித்து மாவட்ட ஆட்சியர் இரா.சுகுமார் வெளியிட்ட செய்திக்குறிப்பில், "மத்திய அரசு பணியாளர் தேர்வாணையங்கள் (SSC/IBPS/Railways) மற்றும் தமிழ்நாடு அரசுப் பணியாளர் தேர்வாணையங்களால் (குரூப்-I,II,IIA,IV) ஆண்டுதோறும் அரசுத் துறையில் உள்ள காலிப்பணியிடங்களை நிரப்புவதற்கு பல்வேறு போட்டித் தேர்வுகளை நடத்தப்பட்டு வருகிறது. 

இந்த தேர்வுகளுக்கு மாணவர்கள் தயாராகும் பொருட்டு திருநெல்வேலி மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் கட்டணமில்லா பயிற்சி வகுப்பு 05.02.2026 (வியாழக்கிழமை) அன்று காலை 10.30 மணிக்கு தொடங்கப்படவுள்ளது.

இப்பயிற்சி வகுப்பு திறன் வாய்ந்த ஆசிரியர்களை கொண்டு Smart Board வசதியுடன் நடத்தப்படுகிறது. வாரந்தோறும் மாதிரி தேர்வுகளும் மற்றும் மாநில அளவிலான முழு மாதிரி தேர்வுகளும் நடத்தப்படும். மேலும் TNPSC, TNUSRB, SSC உள்ளிட்ட அனைத்து போட்டித் தேர்வுகளுக்கும் தேவையான புத்தகங்கள் இவ்வலுவலக தன்னார்வ பயிலும் வட்ட நூலகத்தில் உள்ளன. மாணவர்கள் சுயமாக போட்டித்தேர்வுக்கு தயாராகும் வகையில் study hall வசதியும் உள்ளது. 

பல்வேறு போட்டித் தேர்வுகளுக்கான மென்பாடக்குறிப்புகள் https://tamilnaducareerservices.tn.gov.in/ என்ற இணையத்தளத்தின் மூலம் பதிவிறக்கம் செய்து கொள்ளலாம். மேலும் போட்டித்தேர்வுகள் குறித்து தகவல்களை பெற NELLAI EMPLOYMENT OFFICE என்ற Telegram Channel இல் இணையுமாறு கேட்டுக்கொள்ளப்படுகிறது. 

இந்த பயிற்சி வகுப்பில் கலந்துகொள்ள குலவணிகர்புரம், இரயில்வே கேட் அருகில், பாளையங்கோட்டையில் அமைந்துள்ள மாவட்ட வேலைவாய்ப்பு மற்றும் தொழில்நெறி வழிகாட்டும் மையத்திற்கு 05.02.2026 அன்று காலை 10.30 மணிக்கு Passport Size புகைப்படம் மற்றும் ஆதார் அட்டை நகல் ஆகியவற்றுடன் நேரில் வருமாறு திருநெல்வேலி மாவட்ட ஆட்சித் தலைவர் இரா.சுகுமார் தெரிவித்துள்ளார்.