மாணவி குறித்து சமூகவலைதளங்களில் அவதூறு: அரசு கல்லூரி பெண் முதல்வர்,கணவருடன் கைது

» செய்திகள் - விளையாட்டு » தமிழகம்

மாணவி குறித்து சமூகவலைதளங்களில் அவதூறு: அரசு கல்லூரி பெண் முதல்வர்,கணவருடன் கைது

புதன் 7, ஜனவரி 2026 8:09:34 AM (IST)

மாணவி குறித்து சமூகவலைதளங்களில் அவதூறு பரப்பியதாக நெல்லை ராணி அண்ணா அரசு மகளிர் கல்லூரி பெண் முதல்வர் தனது கணவருடன் கைது செய்யப்பட்டார்.

நெல்லை பழையபேட்டையில் ராணி அண்ணா அரசு மகளிர் கல்லூரி உள்ளது. இந்த கல்லூரியில் முதுகலை 2-ம் ஆண்டு தமிழ் படிக்கும் மாணவி ஒருவர், ஆசிரியர் ஒழுங்காக பாடம் நடத்தவில்லை என்று யூடியூப்பில் பேசியிருந்தார்.

இதுகுறித்து அந்த மாணவியை பற்றி சமூகவலைதளங்களில் அவதூறாகவும், ஆபாசமாகவும் கருத்துக்கள் பதிவு செய்யப்பட்டது. இதுதொடர்பாக, அந்த மாணவி கடந்த மாதம் நெல்லை மாவட்ட கலெக்டர் அலுவலகத்தில் புகார் கொடுத்தார். அதில், தமிழ்த்துறை தலைவராக இருந்த சுமிதா (தற்போதைய கல்லூரி பொறுப்பு முதல்வர்) சமுகவலைதள பக்கத்தில் இருந்தே அவதூறு கருத்துகள் பதிவு செய்யப்படுவதாக தெரிவித்து இருந்தார்.

பின்னர் அந்த மனு நெல்லை மாநகர போலீஸ் கமிஷனர் அலுவலகத்திற்கு அனுப்பி வைக்கப்பட்டது. இதையடுத்து மாணவியின் புகார் குறித்து நெல்லை மாநகர சைபர் கிரைம் போலீசார் வழக்குப்பதிவு செய்து விசாரணை நடத்தினர்.

இந்த விசாரணையில், கல்லூரி முதல்வர் (பொறுப்பு)சுமிதாவும், தேசிய மயமாக்கப்பட்ட வங்கியில் பணியாற்றும் அவரது கணவர் பொன்னுதுரையும் அவதூறு, ஆபாச கருத்துக்களை பதிந்து பரப்பியது தெரியவந்தது.

இதையடுத்து நெல்லை மாநகர போலீஸ் கமிஷனர் மணிவண்ணன் உத்தரவின் பேரில், உதவி கமிஷனர் செந்தாமரை கண்ணன் நேரடி மேற்பார்வையில் சைபர் கிரைம் இன்ஸ்பெக்டர் சண்முகவடிவு, சப்-இன்ஸ்பெக்டர் கலை சந்தனமாரி ஆகியோர் நேற்று காலையில் சுமிதா, பொன்னுதுரை ஆகியோரிடம் சைபர் கிரைம் அலுவலகத்தில் வைத்து விசாரணை நடத்தினர்.

நீண்ட நேர விசாரணைக்கு பிறகு, 2 பேரையும் போலீசார் அதிரடியாக கைது செய்தனர். பின்னர் அவர்கள் ஜாமீனில் விடுவிக்கப்பட்டனர். இந்த சம்பவம் நெல்லையில் பெரும் பரபரப்பை ஏற்படுத்தி உள்ளது.

இதுதொடர்பாக நெல்லை மாநகர போலீஸ் கமிஷனர் மணிவண்ணன் வெளியிட்டுள்ள செய்திக்குறிப்பில், ‘நெல்லையில் பெண் ஒருவர் யூடியூப்பில் பேசியது குறித்து ஆபாசமாக கருத்து பதிவிட்டது சம்பந்தமாக சைபர் கிரைம் இணையதளத்தில் புகார் அளித்தார்.

அதன் பேரில் போலீசார் வழக்குப்பதிந்து விசாரணை நடத்தி 2 பேரை கைது செய்து உள்ளோம். பொதுமக்கள் இணைய வழி குற்றங்களால் பாதிக்கப்பட்டால் உடனடியாக சைபர் கிரைம் போலீசுக்கு தகவல் தெரிவிக்கலாம். மேலும் www.cybercrime.gov.in என்ற இணையதள முகவரியிலும் புகார் அளிக்கலாம்’ என்று கூறி உள்ளார்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மாணவி குறித்து சமூகவலைதளங்களில் அவதூறு: அரசு கல்லூரி பெண் முதல்வர்,கணவருடன் கைது

» செய்திகள் - விளையாட்டு » தமிழகம்