பைக் மீது வேன் மோதி விபத்து: 2 நண்பர்கள் பரிதாப சாவு

» செய்திகள் - விளையாட்டு » தமிழகம்

பைக் மீது வேன் மோதி விபத்து: 2 நண்பர்கள் பரிதாப சாவு

திங்கள் 2, செப்டம்பர் 2024 8:10:36 AM (IST)

சங்கரன்கோவில் அருகேபைக் மீது வேன் மோதி 2 நண்பர்கள் பரிதாபமாக இறந்தனர்.

விருதுநகர் மாவட்டம் ராஜபாளையம் பகுதியைச் சேர்ந்தவர்கள் ராதாகிருஷ்ணன் மகன் காளீஸ்வரன் (25), கோவிந்தராஜ் மகன் மாரிமுத்து (28). நண்பர்களான இவர்கள் 2 பேரும் நேற்று தென்காசி மாவட்டம் நெற்கட்டும்செவலில் நடந்த பூலித்தேவன் பிறந்தநாள் விழாவுக்கு மோட்டார் சைக்கிளில் சென்றனர்.

பின்னர் மாலையில் அவர்கள் மோட்டார் சைக்கிளில் தங்களது ஊருக்கு திரும்பி சென்று கொண்டிருந்தனர். சங்கரன்கோவில்- ராஜபாளையம் சாலையில் சோலைசேரி பகுதியில் சென்றபோது, எதிரே வந்த வேன் எதிர்பாராதவிதமாக மோட்டார் சைக்கிளின் மீது மோதியது. இதில் சாலையில் தூக்கி வீசப்பட்ட காளீஸ்வரன், மாரிமுத்து ஆகிய 2 பேரும் படுகாயங்களுடன் உயிருக்கு போராடியவாறு கிடந்தனர்.

உடனே அங்கிருந்தவர்கள் அவர்களை சிகிச்சைக்காக ராஜபாளையம் அரசு மருத்துவமனைக்கு கொண்டு சென்றனர். அங்கு அவர்களுக்கு தீவிர சிகிச்சை அளிக்கப்பட்டது. ஆனாலும் சிகிச்சை பலனின்றி சிறிதுநேரத்தில் அடுத்தடுத்து 2 பேரும் பரிதாபமாக இறந்தனர்.

இதுகுறித்து கரிவலம்வந்தநல்லூர் போலீசார் வழக்குப்பதிவு செய்து, வேன் டிரைவரான தூத்துக்குடி மாவட்டம் ஓட்டப்பிடாரத்தைச் சேர்ந்த தர்மரிடம் (50) விசாரணை நடத்தி வருகின்றனர். சங்கரன்கோவில் அருகே வேன் மோதி 2 வாலிபர்கள் உயிரிழந்த சம்பவம் பெரும் சோகத்தை ஏற்படுத்தியது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

பைக் மீது வேன் மோதி விபத்து: 2 நண்பர்கள் பரிதாப சாவு

» செய்திகள் - விளையாட்டு » தமிழகம்