ஊரான் வீட்டு நெய்யில் ஸ்வீட் செய்யும் தவெக அரசு : ஆசிரியர்கள் கவன ஈர்ப்பு ஆர்ப்பாட்டம்

விளாத்திகுளத்தில் 20 அம்ச கோரிக்கைகளை வலியுறுத்தி தொடக்கக்கல்வி ஆசிரியர்கள் இயக்கம் சார்பில் மாபெரும் கவன ஈர்ப்பு ஆர்ப்பாட்டம் நடைபெற்றது.

தமிழ்நாடு முதலமைச்சர் தேர்தல் வாக்குறுதியில் தெரிவித்தபடி பழைய ஓய்வூதியத் திட்டத்தை மீண்டும் அமல்படுத்த வேண்டும், சிறப்பு ஆசிரியர் தகுதித்தேர்வு எழுதியுள்ள ஆசிரியர்கள் அனைவருக்கும் குறைந்தபட்ச தேர்ச்சி மதிப்பெண் 40% என நிர்ணயம் செய்திட வேண்டும் உள்ளிட்ட 20 அம்ச கோரிக்கைகளை வலியுறுத்தி தமிழ்நாடு தொடக்கக்கல்வி ஆசிரியர் இயக்கங்களின் கூட்டு நடவடிக்கை குழு டிட்டோஜாக் அமைப்பு சார்பில் தூத்துக்குடி மாவட்டம் விளாத்திகுளம் வட்டார கல்வி அலுவலகம் முன்பு மாபெரும் கவன ஈர்ப்பு கோரிக்கை முழக்க ஆர்ப்பாட்டம் நடைபெற்றது.

ஆர்ப்பாட்டத்தின் போது பேசிய ஒரு ஆசிரியர், தற்போது உள்ள தமிழக அரசு " ஊரான் வீட்டு நெய்யில் ஸ்வீட்” செய்துள்ளார், ஊரான் வீடு என்றால் வேறு எதுவும் கிடையாது நமது வரிப்பணம் தான், கஜானா காலி என்பது இல்லை  அது நிறைவாகத்தான் உள்ளது மனம் இருந்தால் ஆசிரியரின் கோரிக்கைகளை தாராளமாக நிறைவேற்றலாம்,நேற்று தமிழக முதல்வர் ஜோசப் விஜய் சட்டசபையில் அனைத்து சட்டமன்ற உறுப்பினர்களுக்கும் சொகுசு கார் மற்றும் பராமரிப்பு செலவு 75 ஆயிரம், உதவியாளர் சம்பளம் 25 ஆயிரம் அறிவித்ததை சுட்டிக்காட்டி தங்களின் கண்டன கோஷங்களை எழுப்பினர்.

ஆர்ப்பாட்டத்திற்கு தமிழக ஆசிரியர் கூட்டணி மாவட்டசெயலாளர் தலைமை ஜீவானந்தம் வகித்தார், கோவில்பட்டி கல்வி மாவட்ட தலைவர் ரவீந்திரராஜன் முன்னிலை வகித்தார், தமிழக ஆசிரியர் கூட்டணி தலைவர் சேர்மகனி, தமிழ்நாடு ஆரம்பப் பள்ளி ஆசிரியர் கூட்டணி தலைவர் இப்ராகிம் உட்பட பலர் கலந்து கொண்டனர், இதில் தமிழ்நாடு ஆசிரியர் கூட்டணி பொதுச்செயலாளர் மயில் கோரிக்கை விளக்கவுரை ஆற்றினார்.