தூத்துக்குடி கூட்டு குடிநீர் திட்ட டெண்டரில் பல கோடி ரூபாய் மோசடி: முதலமைச்சரின் தனிப்பிரிவில் புகார்!

» செய்திகள் - விளையாட்டு » மாவட்ட செய்தி (கன்னியாகுமரி)

தூத்துக்குடி கூட்டு குடிநீர் திட்ட டெண்டரில் பல கோடி ரூபாய் மோசடி: முதலமைச்சரின் தனிப்பிரிவில் புகார்!

புதன் 19, ஆகஸ்ட் 2026 3:14:03 PM (IST)

தூத்துக்குடி பராமரிப்புக் கோட்டத்தின் கட்டுப்பாட்டில் உள்ள 24 கூட்டு குடிநீர் திட்டங்களை இயக்கும் டெண்டரில், RS & CO என்ற தனியார் நிறுவனம் போலி நிதி ஆவணங்களைச் சமர்ப்பித்து முறைகேடு செய்துள்ளதாகத் தமிழ்நாடு குடிநீர் வடிகால் வாரிய ஊழியர் சங்கம் (CITU) முதல்வரின் முகவரித்துறையில் (CM Cell) புகார் அளித்துள்ளது.

தூத்துக்குடி மாவட்டத்தில் 24 கூட்டு குடிநீர் திட்டங்களை 2026 முதல் 2029 வரை 3 ஆண்டுகளுக்குப் பராமரித்து இயக்குவதற்கான டெண்டர் கடந்த 19.01.2026 அன்று ஆன்லைன் வழியே நடைபெற்றது.RS & CO நிறுவனத்தின் உரிமையாளர் R.சுரேஷ் என்பவர், தனது நிறுவனத்தின் Financial Turnover சான்றிதழில் கோடிக்கணக்கில் நிதி வரவை உயர்த்திக் காட்டிப் போலி ஆவணங்களைச் சமர்ப்பித்துள்ளார்.

2023-2024 நிதியாண்டில் உண்மையான Turnover ரூ. 5.12 கோடி மட்டுமே; ஆனால் போலி ஆவணத்தில் ரூ. 47.55 கோடி (ரூ. 42 கோடி கூடுதலாக) எனக் குறிப்பிடப்பட்டுள்ளது. 2024-2025 நிதியாண்டில் உண்மையான Turnover ரூ. 14.62 கோடிகள் மட்டுமே; ஆனால் ரூ. 96.58 கோடி (ரூ. 82 கோடி கூடுதலாக) எனக் காட்டி மோசடி செய்யப்பட்டுள்ளது.

டெண்டர் விதிகளின்படி ரூ. 56.75 கோடி மதிப்புள்ள டெண்டருக்கு, கடந்த 5 ஆண்டுகளில் ஏதேனும் 2 ஆண்டுகளில் 33% சதவீதமான ரூ. 18.72 கோடி Turnover செய்திருக்க வேண்டும். ஆனால் RS & CO நிறுவனம் இந்தத் தகுதியைப் பெறவில்லை.

ஆடிட்டர் மற்றும் அரசு அலுவலக விசாரணையில் RS & CO நிறுவனம் போலி ஆவணங்களைச் சமர்ப்பித்தது உறுதி செய்யப்பட்ட பின்பும், வாரிய அதிகாரிகள் உள்நோக்கத்துடன் டெண்டரைத் தள்ளுபடி செய்யாமல் பணி ஆணை (Work Order) வழங்கியுள்ளதாகச் சங்கம் குற்றம்சாட்டியுள்ளது. இதற்காக அதிகாரிகளுக்குக் கோடிக்கணக்கில் ஆதாயம் கிடைத்துள்ளதாகவும் குறிப்பிடப்பட்டுள்ளது.

எனவே, RS & CO நிறுவனத்திற்கு வழங்கப்பட்ட டெண்டர் ஒப்பந்தத்தை உடனடியாக ரத்து செய்ய வேண்டும். அந்நிறுவனத்தைக் கருப்புப் பட்டியலில் (Blacklist) சேர்க்க வேண்டும். தவறும்பட்சத்தில் நீதிமன்றத்தை நாட நேரிடும் என்றும் தமிழ்நாடு குடிநீர் வடிகால் வாரிய ஊழியர் சங்கம் சார்பில் தெரிவிக்கப்பட்டுள்ளது.

மக்கள் கருத்து

muraleeAug 20, 2026 - 10:18:33 AM | Posted IP 104.2*****

good okk

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

தூத்துக்குடி கூட்டு குடிநீர் திட்ட டெண்டரில் பல கோடி ரூபாய் மோசடி: முதலமைச்சரின் தனிப்பிரிவில் புகார்!

» செய்திகள் - விளையாட்டு » மாவட்ட செய்தி (கன்னியாகுமரி)