» செய்திகள் - விளையாட்டு » இந்தியா
சி.பி.எஸ்.இ. 10-ம் வகுப்பு தேர்வு முடிவுகள் வெளியீடு: தேசிய அளவில் 93.7% பேர் தேர்ச்சி!
வியாழன் 16, ஏப்ரல் 2026 8:37:11 AM (IST)
நாடு முழுவதும் பெரும் எதிர்பார்ப்புக்கு மத்தியில் சி.பி.எஸ்.இ. 10-ஆம் வகுப்பு பொதுத்தேர்வு முடிவுகள் நேற்று வெளியிடப்பட்டன. இதில் தேசிய அளவில் 93.7 சதவீத மாணவர்கள் தேர்ச்சி
கடந்த பிப்ரவரி 17 முதல் மார்ச் 11 வரை நடைபெற்ற இந்தப் பொதுத்தேர்வை எழுத நாடு முழுவதும் சுமார் 25.08 லட்சம் மாணவர்கள் விண்ணப்பித்திருந்தனர். இதில் சுமார் 24.71 லட்சம் பேர் தேர்வில் பங்கேற்றனர். கடந்த ஆண்டின் தேர்ச்சி சதவீதமான 93.66%-ஐ விட இந்த ஆண்டு (93.7%) தேர்ச்சி விகிதம் சற்று அதிகரித்துள்ளது.
இந்த ஆண்டும் மாணவர்களை விட மாணவிகளே அதிக அளவில் தேர்ச்சி பெற்றுள்ளனர். மாணவிகளின் தேர்ச்சி விகிதம் 94.99% ஆகும். இது மாணவர்களின் தேர்ச்சியை விட 1.3% அதிகமாகும். 53,368 மாணவர்கள் 95 சதவீதத்திற்கும் அதிகமான மதிப்பெண்களையும், 2.21 லட்சம் மாணவர்கள் 90 சதவீதத்திற்கும் அதிகமான மதிப்பெண்களையும் பெற்று சாதனை படைத்துள்ளனர்.
மண்டல வாரியான தேர்ச்சி:
மண்டல அளவிலான தேர்ச்சி விகிதத்தில் திருவனந்தபுரம் மற்றும் விஜயவாடா (99.79%) முதலிடத்தைப் பிடித்துள்ளன. சென்னை மண்டலம் 99.58% தேர்ச்சி பெற்று தேசிய அளவில் மூன்றாவது இடத்தைப் பெற்றுள்ளது.
2-ம் கட்டத் தேர்வு (மதிப்பெண் மேம்பாடு): நடப்பாண்டு முதல் சி.பி.எஸ்.இ. தேர்வுகள் இரண்டு கட்டங்களாக நடத்தப்படும் என அறிவிக்கப்பட்டிருந்தது. அதன் முதற்கட்டத் தேர்வு முடிவுகள் தற்போது வெளியாகியுள்ளன.
மாணவர்கள் தங்கள் மதிப்பெண்களை மேம்படுத்திக் கொள்ள விரும்பினால், அடுத்த மாதம் மே 15 முதல் ஜூன் 1 வரை நடைபெற உள்ள இரண்டாம் கட்டத் தேர்வை எழுதலாம்.
அதிகபட்சமாக 3 பாடங்களில் மதிப்பெண் மேம்பாட்டிற்கு விண்ணப்பிக்க முடியும். ஆனால், முதற்கட்டத் தேர்வில் 3 அல்லது அதற்கு மேற்பட்ட பாடங்களில் தோல்வியுற்றவர்கள் அல்லது தேர்வு எழுத வராதவர்கள் இந்த இரண்டாம் கட்டத் தேர்வை எழுத முடியாது.
தேர்வு முடிவுகள் வெளியானதைத் தொடர்ந்து, சென்னை கொளத்தூர் எவர்வின் வித்யாஷ்ரம் உள்ளிட்ட பல்வேறு பள்ளிகளில் மாணவர்கள் தங்கள் மதிப்பெண்களை இணையதளம் மற்றும் செல்போன்கள் வாயிலாக ஆர்வமுடன் பார்த்து, நண்பர்களுடன் இனிப்புகளைப் பகிர்ந்து உற்சாகமாகக் கொண்டாடினர். கூடுதல் விவரங்களுக்கு மாணவர்கள் www.cbse.gov.in என்ற அதிகாரப்பூர்வ இணையதளத்தைப் பார்க்கலாம்.
மக்கள் கருத்து
மேலும் தொடரும் செய்திகள்
அனைத்து மாநிலங்களிலும் 50% தொகுதிகள் உயர்வு: மக்களவையில் மத்திய அமைச்சர் உறுதி!
வியாழன் 16, ஏப்ரல் 2026 5:12:22 PM (IST)
பெண்கள் இட ஒதுக்கீட்டைச் சீர்குலைக்க திமுக முயற்சி - தேஜஸ்வி சூர்யா குற்றச்சாட்டு
வியாழன் 16, ஏப்ரல் 2026 4:12:41 PM (IST)
ஆந்திராவில் கோர விபத்தில் 8 பக்தர்கள் பலி: பிரதமர் மோடி இரங்கல் - நிதியுதவி அறிவிப்பு
வியாழன் 16, ஏப்ரல் 2026 10:21:14 AM (IST)
வேதாந்தா மின் உற்பத்தி நிலையத்தில் பாய்லர் வெடித்து 10 பேர் பலி; 40 பேர் படுகாயம்!
புதன் 15, ஏப்ரல் 2026 12:12:11 PM (IST)
குடியரசுத் துணைத் தலைவர் இல்லத்தில் தமிழ்ப் புத்தாண்டு விழா: பிரதமர் மோடி பங்கேற்பு!
புதன் 15, ஏப்ரல் 2026 12:08:02 PM (IST)
மகிழ்ச்சியும் வெற்றியும் பெருகட்டும்: பிரதமர் மோடி நெகிழ்ச்சியான தமிழ் புத்தாண்டு வாழ்த்து!
செவ்வாய் 14, ஏப்ரல் 2026 10:19:26 AM (IST)
திமுகவின் நோக்கம் அரசியல் ஆதாயம் மட்டுமே - முதல்வர் ஸ்டாலினுக்கு நிர்மலா சீதாராமன் பதிலடி
திங்கள் 13, ஏப்ரல் 2026 3:45:09 PM (IST)
