தூத்துக்குடி மீன்பிடி துறைமுகத்திலிருந்து கடந்த 6 நாட்களாகக் கடலுக்குச் செல்லாமல் இருந்த விசைப்படகுகள் இன்று மீண்டும் மீன்பிடிக்கக் கடலுக்குப் புறப்பட்டுச் சென்றன.
தூத்துக்குடி மீன்பிடி துறைமுகத்திலிருந்து வழக்கமாக தினசரி 272 விசைப்படகுகள் மீன்பிடிக்கக் கடலுக்குச் சென்று வரும். இந்நிலையில், புயல் எச்சரிக்கை மற்றும் பல்வேறு காரணங்களால் கடந்த 25-ஆம் தேதி முதல் விசைப்படகு மீனவர்கள் கடலுக்குச் செல்லாமல் இருந்து வந்தனர்.
தொடர்ந்து 6 நாட்கள் தொழில் முடங்கியிருந்த நிலையில், இன்று (31-10-2026) காலை தூத்துக்குடி மீன்பிடி துறைமுகத்திலிருந்து மொத்தம் 214 விசைப்படகுகளில் மீனவர்கள் மீன்பிடிக்கக் கடலுக்குப் புறப்பட்டுச் சென்றனர். மீனவர்கள் மீண்டும் தொழிலுக்குத் திரும்பியுள்ளது மீன்பிடி துறைமுகப் பகுதியில் சுறுசுறுப்பை ஏற்படுத்தியுள்ளது.