பொருநை நெல்லை புத்தகத் திருவிழா: சிற்பக் கலைஞர்களுக்கு ஆட்சியர் அழைப்பு!

தமிழ்நாடு அரசின் கலை பண்பாட்டுத் துறை, நமது நாட்டின் பாரம்பரியக் கலைகளையும் பண்பாட்டினையும் கலைப் பண்புகளை மேம்படுத்தவும், பாதுகாக்கும் நோக்கிலும், கலைஞர்களின் கலைத் திறனை சிறப்பிக்கும் வகையில் கலைப் பயிற்சிகள் அளித்து, பல்வேறு கலை நிகழ்ச்சிகளை நடத்தி செயல்பட்டு வருகிறது. மேலும், ஓவிய, சிற்பக் கலையினை வளர்த்திடும் நோக்கிலும், அக்கலையில் ஈடுபட்டுள்ள கலைஞர்களை ஊக்குவிக்கும் வகையில் கலை பண்பாட்டுத்துறையின் ஓவிய-சிற்பக் கலைக்காட்சியினை நடத்திட தெரிவிக்கப்பட்டுள்ளது.

கலை பண்பாட்டுத்துறை சார்பாக, ஓவிய-சிற்பக் கலைக் கண்காட்சி திருநெல்வேலி வர்த்தக மையத்தில் பொருநை நெல்லை புத்தக திருவிழா-2025 நடைபெறும் போது நடத்தப்பட உள்ளது. இக்கண்காட்சியில் திருநெல்வேலி மண்டலத்தின் (திருநெல்வேலி, தூத்துக்குடி, கன்னியாகுமரி விருதுநகர் மற்றும் தென்காசி) மாவட்டங்களில் உள்ள ஓவிய சிற்பக்கலைஞர்கள் தங்கள் கலைப்படைப்புகளை கண்காட்சியாக வைத்து தெரிவு செய்வதற்கு ஒரு வல்லுநர் குழு அமைக்கப்பட்டு தெரிவு செய்யப்படும். ஓவிய சிற்பக் கண்காட்சியில் முதல் பரிசாக ரூ.5000/- வீதம் 7 கலைஞர்களுக்கும், இரண்டாம் பரிசாக ரூ.3000/- வீதம் 7 கலைஞர்களுக்கும், மூன்றாம் பரிசாக ரூ.2000/- வீதம் 7 கலைஞர்களுக்கும் காசோலையாக வழங்கப்படவுள்ளது.

எனவே, திருநெல்வேலி மண்டலத்தின் (திருநெல்வேலி, தூத்துக்குடி, கன்னியாகுமரி விருதுநகர் மற்றும் தென்காசி) மாவட்டங்களில் உள்ள ஆர்வமுள்ள ஓவிய மற்றும் சிற்பக் கலைஞர்கள் தங்களது ஓவியப் படைப்புகளை கண்காட்சியாக வைத்திட தன்விவரக் குறிப்பு மற்றும் படைப்புகள் எண்ணிக்கை படைப்புகளின் புகைப்படங்கள் விவரங்களுடன் உதவி இயக்குநர், மண்டலக் கலை பண்பாட்டு மையம், 870/21 அரசு அலுவலர் ஆ குடியிருப்பு திருநெல்வேலி-7 என்ற முகவரிக்கு 15-12-2024க்குள் விண்ணப்பிக்குமாறு கேட்டுக்கொள்ளப்படுகிறது.

மேலும், கூடுதல் விவரங்களுக்கு மண்டலக் கலை பண்பாட்டு மையம் தொலைபேசி எண்.0462-2901890 மற்றும் 9487059638, 8122610700 மாவட்ட ஆட்சித் தலைவர் கா.ப.கார்த்திகேயன் தெரிவித்துள்ளார்.